11 ناۋرىزدا دۇنيەجۇزىلىك دەنساۋلىق ساقتاۋ ۇيىمى COVID-19 جاڭا كوروناۆيرۋستىق ينفەكتسيا پاندەمياسىن جاريالادى. ەل پرەزيدەنتى قاسىم-جومارت توقاەۆ قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندە ناقتى مىندەتتەر قويدى.
پرەمەر-ءمينيستردىڭ ورىنباسارى ەرالى توعجانوۆ باق وكىلدەرىن قابىلدانعان شارالار تۋرالى حاباردار ەتتى:
- 13 ناۋرىزدان باستاپ مەرەكەلىك, سپورتتىق, مادەني-بۇقارالىق ءىس-شارالاردى وتكىزۋگە, كونفەرەنتسيالار, سەمينارلار, كورمەلەر وتكىزۋگە جانە ت.ب. تىيىم سالىنادى;
- دەنساۋلىق ساقتاۋ, ءبىلىم بەرۋ, كوپشىلىك جينالعان وبەكتىلەردە: حقكو, كوممۋنالدىق شارۋاشىلىقتار, بازارلار, قوعامدىق تاماقتانۋ ورىندارى, ۆوكزالدار, اۋەجايلار مەن قوناق ۇيلەر سانيتاريالىق-دەزينفەكتسيالىق رەجيمدى كۇشەيتۋ;
-
قارتتار مەن مۇمكىندىگى شەكتەۋلى ادامدارعا ارنالعان مەديتسينالىق-الەۋمەتتىك وبەكتىلەردە, الەۋمەتتىك وڭالتۋ ورتالىقتارىندا, مۇگەدەك بالالارعا ارنالعان وقۋ ورىندارىنا بارۋعا تىيىم سالۋ, كۇشەيتىلگەن سانيتاريالىق-دەزينفەكتسيالىق رەجيم;
-
ايماقتان تىس دەمالىس كەزىندە وقۋشىلارعا ەكسكۋرسياعا تىيىم سالۋ;
-
قوعامدىق كولىكتە جۋ دەزينفەكتسيالاۋ قۇرالدارىن وڭدەۋ جانە قولدانۋ;
-
ورتا ءبىلىم بەرۋ ۇيىمدارىنىڭ دەمالىسقا ەرتە شىعۋى – 2020 جىلعى 16 ناۋرىزدان 5 ساۋىرگە دەيىن;
-
16 ناۋرىزدان باستاپ تجكب جانە جوو وبەكتىلەرىن قاشىقتىقتان وقىتۋعا اۋىستىرۋ;
-
1ا, 1ب, 2 جانە 3 ساناتتارداعى ەلدەرمەن حالىقارالىق جولاۋشىلار قاتىناستارىن شەكتەۋ;
-
حالىقارالىق, سپورتتىق, مادەني, تۋريستىك ءىس-شارالارعا 1ا, 1ب, 2 جانە 3 ساناتتارداعى ەلدەرگە شىعۋعا تىيىم سالۋ
سونىمەن قاتار ەلىمىزدە كوروناۆيرۋستىق ينفەكتسيا انىقتالعان كەزدە سانيتارلىق-پروفيلاكتيكالىق جانە سانيتارلىق-ەپيدەمياعا قارسى ءىس-شارالاردى ۇيىمداستىرۋ بويىنشا بارلىق قاجەتتى الگوريتمدەر بەكىتىلدى. قازاقستاندا كوروناۆيرۋستى جۇقتىرۋ جاعدايلارى تىركەلگەن جوق.
پرەمەر-ءمينيستردىڭ ورىنباسارى ە. توعجانوۆ حالىقتى تەك رەسمي اقپارات كوزدەرىنە سەنۋگە, اجيوتاج جاساماۋعا, الدىن الۋ شارالارىن ۇستانۋعا جانە ساقتاۋعا شاقىردى.
