يمپورتتى الماستىرۋ جانە «قاراپايىم زاتتار ەكونوميكاسى» سالالارىن دامىتۋ بويىنشا جوبالاردى ىسكە اسىرۋ جۇمىستارىنىڭ بارىسى تۋرالى قر پرەمەر-ءمينيسترىنىڭ ورىنباسارى ر. سكليار جانە «اتامەكەن» ۇكپ باسقارما توراعاسى ا. مىرزاحمەتوۆ, كاسىپكەرلىك الەۋەتتى دامىتۋ جانە تۇرعىنداردىڭ تابىسىن كوتەرۋ ماقساتىندا وڭىرلەرگە سكرينينگ جۇرگىزۋ قورىتىندىسى تۋرالى «اتامەكەن» ۇكپ باسقارما توراعاسىنىڭ ءبىرىنشى ورىنباسارى ە. جۇماعازيەۆ باياندادى. سونىمەن قاتار قر بيزنەس قاۋىمداستىعىنىڭ وكىلدەرى تۇسىنىك بەردى.
وتكەن ايدا «قاراپايىم زاتتار ەكونوميكاسى» جوبالىق وفيسىنە 130-دان اسا جاڭا جوبا كەلىپ ءتۇستى, 1 ترلن تەڭگەگە جۋىق سوماعا 227 جوبا پىسىقتالىپ جاتىر. ۇسىنىلعان باستامالار بويىنشا كوش باسىندا قىزىلوردا, جامبىل, شىعىس قازاقستان وبلىستارى. ارتتا قالعاندار – اتىراۋ, الماتى, سولتۇستىك قازاقستان وبلىستارى.
سالالار بولىنىسىندە جوبالار سانى بويىنشا ماشينا جاساۋ (55 جوبا), ازىق-ت ۇلىك ونەركاسىبى (37) جانە اوك (35) كوش باسىندا. بۇل رەتتە سوماسى جوعارى جوبالار حيميا ونەركاسىبىندە (324 ملرد تەڭگەگە) جانە قۇرىلىس ماتەريالدارى وندىرىسىندە (116 ملرد تەڭگەگە) بايقالىپ وتىر.
«اتامەكەن» ۇكپ وتكىزگەن وڭىرلەر سكرينينگى 2,2 ملن ءۇي شارۋاشىلىعىن (10 ملن تۇرعىن) جانە 788 مىڭ كاسىپكەرلىك سۋبەكتىسىن قامتىدى. سكرينينگ ناتيجەلەرى كاسىپورىنداردىڭ كادرلىق قاجەتتىلىگىن (105 مىڭنان اسا ادام), كاسىپكەرلىك نەگىزدەرىنە وقىتىلۋعا دايىن بەلسەندى تۇرعىندار سانىن (153 مىڭنان اسا ادام) جانە باسقا دا پارامەترلەردى انىقتاۋعا مۇمكىندىك بەردى.
ۆەدومستۆوارالىق كوميسسيا جەرگىلىكتى ءوندىرىس كولەمىن ارتتىرۋ, قوسىمشا جۇمىس ورىندارىن اشۋ جانە تۇرعىنداردىڭ تابىسىن ارتتىرۋ ءۇشىن وڭىرلەر سكرينينگى قورىتىندىسىن ءىس جۇزىنە اسىرۋ ماقساتىندا اكىمدىكتەردىڭ «اتامەكەن» ۇكپ-مەن بىرلەسىپ ءوڭىر اكىمىنىڭ ورىنباسارىنان تومەن ەمەس دەڭگەيدە جوبالىق وفيس قۇرۋ تۋرالى شەشىم قابىلدادى.
ۆاك يمپورتتى الماستىرۋ بويىنشا جوبالاردى ىرىكتەۋ رەگلامەنتىن بەكىتتى. اتاپ ايتقاندا, اوك جانە وڭدەۋ ونەركاسىبى سالالارىندا جاڭا ءوندىرىس قۇرۋ نەمەسە قولدانىستاعى ءوندىرىستى كەڭەيتۋ بويىنشا, نەگىزگى كاپيتالعا سالىنعان ينۆەستيتسيالار كولەمى 100 ملن تەڭگەدەن كەم ەمەس, ىسكە اسىرۋ مەرزىمى 5 جىلدان اسپايتىن جانە باسقا دا ولشەمدەرى بار ينۆەستيتسيالىق جوبالار قارالاتىن بولادى. بۇل رەتتە اعىمداعى قارىزداردى قايتا قارجىلاندىرۋ جوبالارى قاراۋعا جاتپايدى.
وتىرىسقا قاتىسۋشىلار اۋىل شارۋاشىلىعى, حيميا, توقىما, ماشينا جاساۋ جانە باسقا دا سالالاردا يمپورتتى الماستىرۋ بويىنشا بىرقاتار ناقتى جوبالاردى قارادى, ولار بارلىعى 4 مىڭعا جۋىق جاڭا جۇمىس ورنىن قۇرۋعا جانە 350 ملرد تەڭگەدەن استام ينۆەستيتسيا تارتۋعا مۇمكىندىك بەرەدى.
ۇكىمەت باسشىسى يمپورتتى الماستىرۋ جانە ەكسپورتتى ىلگەرىلەتۋ بويىنشا بەلسەندى جۇمىستى جالعاستىرۋدى تاپسىردى.
«مەملەكەت بيزنەستى قولداۋ جانە كاسىپكەرلىكتى دامىتۋ شارالارىن كەڭەيتەدى», — دەدى ا. مامين.
