2013 جىلعى 4 مامىر, استانا قالاسى
«ديسسەرتاتسيالىق كەڭەس تۋرالى ۇلگى ەرەجەنى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى №126 بۇيرىعىنا وزگەرىستەر مەن تولىقتىرۋ ەنگىزۋ تۋرالى
بۇيىرامىن:
1. «ديسسەرتاتسيالىق كەڭەس تۋرالى ۇلگى ەرەجەنى بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى №126 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6929 تىركەلگەن, «ەگەمەن قازاقستان» گازەتىنىڭ 2011 جىلعى 5 مامىرداعى №184-185 (26587) سانىندا جاريالانعان) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن ديسسەرتاتسيالىق كەڭەس تۋرالى ۇلگى ەرەجەدە:
5-تارماق مىناداي رەداكتسيادا جازىلسىن:
«5. ديسسەرتاتسيالىق كەڭەس كەڭەستىڭ توراعاسىنان, توراعا ورىنباسارىنان, عالىم حاتشىدان جانە كەڭەس مۇشەلەرىنەن تۇرادى. ديسسەرتاتسيالىق كەڭەستىڭ قۇرامىنا كەمىندە 5 (بەس) ادام كىرەدى.»;
7-تارماق مىناداي رەداكتسيادا جازىلسىن:
«7. ءاربىر ماماندىق بويىنشا ديسسەرتاتسيالىق كەڭەستىڭ قۇرامىنا عىلىمي دارەجەسى جانە ءتيىستى زەرتتەۋ سالاسىندا كەمىندە 5 عىلىمي ماقالاسى بار كەمىندە 3 ء(ۇش) مامان قوسىلادى. بۇل رەتتە ديسسەرتاتسيالىق كەڭەس مۇشەلەرىنىڭ كەمىندە 1/3-ءى (ۇشتەن ءبىرى) شتاتتىق قىزمەتكەرلەر, كەمىندە 1/3-ءى (ۇشتەن ءبىرى) باسقا جوو وكىلدەرى, كەمىندە 1/3-ءى (ۇشتەن ءبىرى) عىلىمي نەمەسە باسقا ۇيىمداردىڭ وكىلدەرى بولۋى ءتيىس.»;
8-تارماق مىناداي رەداكتسيادا جازىلسىن:
«8. ديسسەرتاتسيالىق كەڭەستىڭ قۇرامى جوو-نىڭ عىلىمي كەڭەسىنىڭ حاتتامالىق شەشىمىمەن بەكىتىلەدى. ديسسەرتاتسيالىق كەڭەستىڭ باسقا قالالاردا تۇراتىن مۇشەلەرىنىڭ ءىسساپار شىعىستارى ديسسەرتاتسيالىق كەڭەس جۇمىس ىستەيتىن جوو ەسەبىنەن تولەنەدى.»;
11-13 تارماقتار مىناداي رەداكتسيادا جازىلسىن:
«11. جوو دوكتورانتتىڭ ديسسەرتاتسياسى ورىندالعان كافەدرانىڭ (كافەدرالاردىڭ) وتىرىسىندا ديسسەرتاتسيانىڭ تالقىلانۋىن قامتاماسىز ەتەدى. كافەدرا وتىرىسىنا كافەدرا مۇشەلەرىنىڭ كەمىندە 2/3-ءسى (ۇشتەن ەكىسى), عىلىمي كەڭەسشىلەر جانە دوكتورانتتىڭ عىلىمي زەرتتەۋ سالاسى بويىنشا عىلىمي دارەجەسى بار كەمىندە 2 (ەكى) مامان قاتىسادى. وتىرىستا شەتەلدىك كەڭەسشى بولماعان جاعدايدا ونىڭ پىكىرىن كافەدرا مەڭگەرۋشىسى وقيدى.
دوكتورانت دايارلىقتان وتكەن جوو ديسسەرتاتسيالىق كەڭەسكە جوو بلانكىسىندە جازىلعان ىلەسپە حاتپەن مىناداي قۇجاتتاردى ۇسىنادى:
1) وتاندىق جانە شەتەلدىك عىلىمي كەڭەسشىلەردىڭ پىكىرلەرى (مەملەكەتتىك قۇپيالارى بار ديسسەرتاتسيالار ءۇشىن, وتاندىق كەڭەسشىنىڭ پىكىرى);
2) ديسسەرتاتسيا ورىندالعان كافەدرانىڭ وڭ قورىتىندىسى;
3) بەرىك تۇپتەلگەن جانە ەلەكتروندى تاسىمالداعىشتاعى (CD-ديسك) ديسسەرتاتسيا;
4) عىلىمي ەڭبەكتەرىنىڭ ءتىزىمى جانە ولاردىڭ كوشىرمەلەرى;
5) وقيتىن جوو-نىڭ كادر قىزمەتى راستاعان جەكە ءىس پاراعى;
6) دوكتورانتۋرانىڭ كاسىپتىك وقۋ باعدارلامالارىن مەڭگەرگەنى تۋرالى ترانسكريپتتىڭ كوشىرمەسى.
قۇجاتتاردى قابىلداۋدى ولاردى تىركەيتىن ديسسەرتاتسيالىق كەڭەستىڭ عالىم حاتشىسى جۇزەگە اسىرادى جانە ديسسەرتاتسيالىق كەڭەسكە ۇسىنادى.
12. دوكتورانت وقىعان جوو-دا ءتيىستى ماماندىق بويىنشا ديسسەرتاتسيالىق كەڭەس جۇمىس ىستەمەيتىن جاعدايدا اتالعان جوو دوكتورانتتىڭ وسى ۇلگى ەرەجەنىڭ 11-تارماعىندا كورسەتىلگەن قۇجاتتارىن باسقا جوو-دا ءتيىستى ماماندىق بويىنشا قۇرىلعان ديسسەرتاتسيالىق كەڭەسكە ۇسىنۋدى قامتاماسىز ەتەدى.
13. قۇجاتتار قابىلدانعان كۇننەن باستاپ 10 (ون) جۇمىس كۇنىنەن كەشىكتىرمەي ديسسەرتاتسيالىق كەڭەس ديسسەرتاتسيانى قورعاۋ كۇنىن بەلگىلەيدى جانە عىلىمي دارەجەسى بار جانە دوكتورانتتىڭ زەرتتەۋ سالاسى بويىنشا كەمىندە 5 عىلىمي ماقالاسى بار ەكى رەتسەنزەنتتى تاعايىندايدى, ولاردىڭ بىرەۋى وسى جوو-نىڭ نەمەسە دوكتورانت وقىعان جوو-نىڭ قىزمەتكەرى بولماۋى ءتيىس. بۇل رەتتە دوكتورانتتار قۇجاتتارىنىڭ ءتۇسۋ كەزەگى ساقتالادى.
ديسسەرتاتسيالىق كەڭەس مۇشەلەرىنە (1/3-ىنەن اسپايتىن) ديسسەرتاتسيانى قورعاۋعا قابىلداۋ وتىرىسىنا بەينە-كونفەرەنتسيا نىسانىندا قاتىسۋعا رۇقسات ەتىلەدى.»;
15-تارماقتىڭ ءۇشىنشى بولىگى مىناداي رەداكتسيادا جازىلسىن:
«ديسسەرتاتسيانىڭ قاعاز جانە ەلەكتروندىق تاسىمالداعىشتاعى داناسى جوو-نىڭ كىتاپحاناسىنا بەرىلەدى. ديسسەرتاتسيالىق كەڭەستىڭ عالىم حاتشىسى ديسسەرتاتسيانىڭ ەلەكتروندىق تاسىمالداعىشتاعى دانالارىن قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنا جانە قازاقستان رەسپۋبليكاسىنىڭ ۇلتتىق كىتاپحاناسىنا بەرەدى.»;
17-تارماقتىڭ ءبىرىنشى جانە ەكىنشى بولىكتەرى مىناداي رەداكتسيادا جازىلسىن:
«17. ديسسەرتاتسيالىق كەڭەستىڭ توراعاسى, توراعا ورىنباسارى جانە عالىم حاتشىسى دوكتورانتتىڭ عىلىمي كەڭەسشىلەرى بولىپ تابىلعان جاعدايدا ولار ديسسەرتاتسيانى قاراستىرۋ كەزىندە ديسسەرتاتسيالىق كەڭەستىڭ وتىرىسىندا ءوز مىندەتتەرىن ورىنداي المايدى. ديسسەرتاتسيالىق كەڭەس توراعاسىنىڭ مىندەتتەرىن ورىنداۋ ديسسەرتاتسيالىق كەڭەستىڭ شەشىمى
مەن توراعا ورىنباسارىنا, توراعا ورىنباسارى مەن عالىم حاتشىنىڭ مىندەتتەرىن ورىنداۋ مۇشەلەرگە جۇكتەلەدى.
توراعا, توراعا ورىنباسارى مەن عالىم حاتشى ءبىر مەزگىلدە بولماعان جاعدايدا ديسسەرتاتسيالىق كەڭەستىڭ وتىرىسى وتكىزىلمەيدى.»;
19-تارماق مىناداي رەداكتسيادا جازىلسىن:
«19. ديسسەرتاتسيالىق كەڭەس دوكتورانتقا ءتيىستى ماماندىقتىڭ فيلوسوفيا دوكتورى (PhD), بەيىنى بويىنشا دوكتور عىلىمي دارەجەسىن بەرۋگە بايلانىستى كوميتەتكە ۇسىنىس جاساۋ نەمەسە اتالعان دارەجەنى بەرۋدەن باس تارتۋ تۋرالى شەشىم قابىلداۋ ءۇشىن جاسىرىن داۋىس بەرۋدى جۇرگىزەدى.
ديسسەرتاتسيالىق كەڭەستىڭ شەشىمى, ەگەر وعان وتىرىسقا قاتىسقان ديسسەرتاتسيالىق كەڭەس مۇشەلەرىنىڭ 2/3 (ۇشتەن ەكىسى) جانە ودان كوبى داۋىس بەرسە, وڭ قابىلداندى دەپ سانالادى. ەگەر وڭ شەشىمگە وتىرىسقا قاتىسقان ديسسەرتاتسيالىق كەڭەس مۇشەلەرىنىڭ 2/3-ىنەن (ۇشتەن ەكىسىنەن) كەمى داۋىس بەرسە, تەرىس شەشىم قابىلدانادى.
تەرىس شەشىم قابىلدانعان جاعدايدا ديسسەرتاتسيالىق كەڭەس ديسسەرتاتسيانىڭ وسى ۇلگى ەرەجە مەن قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 31 ناۋرىزداعى №127 بۇيرىعىمەن بەكىتىلگەن جانە نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6951 بولىپ تىركەلگەن عىلىمي دارەجەلەر بەرۋ ەرەجەسىنىڭ («ەگەمەن قازاقستان» گازەتىنىڭ 2011 جىلعى 20 مامىرداعى № 207-210 (26612) سانىندا جاريالانعان) (بۇدان ءارى – ەرەجە) قانداي تالاپتارىنا سايكەس كەلمەيتىندىگى كورسەتىلگەن قورىتىندى جاسايدى. رەتسەنزەنتتەردىڭ, عىلىمي كەڭەسشىلەر پىكىرلەرىنىڭ كوشىرمەلەرى, توراعا مەن عالىم حاتشى قول قويعان ديسسەرتاتسيالىق كەڭەس وتىرىسىنىڭ بەينەجازباسى, ستەنوگرامماسى مەن قورىتىندىسى شەشىم قابىلدانعان كۇننەن باستاپ كۇنتىزبەلىك 15 (ون بەس) كۇن ىشىندە كوميتەتكە جىبەرىلەدى.»;
مىناداي مازمۇنداعى 19-1 تارماقپەن تولىقتىرىلسىن:
«19-1. ديسسەرتاتسيالىق كەڭەستىڭ تەرىس شەشىمىنە اپەللياتسيانى دوكتورانت ديسسەرتاتسيا قورعالعان جوو-عا شەشىم شىعارعان كۇننەن باستاپ 2 (ەكى) اي ىشىندە ەرىكتى نىساندا بەرەدى.
اپەللياتسيا بەرىلگەن كۇننەن باستاپ 10 (ون) جۇمىس كۇنى ىشىندە جوو رەكتورىنىڭ بۇيرىعىمەن اپەللياتسيالىق كوميسسيا (بۇدان ءارى – كوميسسيا) قۇرىلادى. كوميسسيا قۇرامىنا ءتيىستى ماماندىق بويىنشا عىلىمي دارەجەسى بار 3 ء(ۇش) مامان كىرەدى. كوميسسيا قۇرامىنا عىلىمي كەڭەسشىلەر, رەتسەنزەنتتەر, ديسسەرتاتسيالىق كەڭەستىڭ نەمەسە ەرەجەنىڭ 12-17 تارماقتارىنا سايكەس جۇمىس ىستەيتىن كوميتەتتىڭ ساراپتاۋ كەڭەسىنىڭ مۇشەلەرى كىرمەيدى.
كوميسسيا ءوز قىزمەتىندە وسى ۇلگى ەرەجەنى جانە ەرەجەنى باسشىلىققا الادى.
كوميسسيا اپەللياتسيالىق ءوتىنىشتى, ديسسەرتاتسيانى, ديسسەرتاتسيالىق كەڭەستىڭ ديسسەرتاتسيانى قورعاۋ بويىنشا ماتەريالدارىن قاراستىرادى جانە ول قۇرىلعان كۇننەن باستاپ كۇنتىزبەلىك 30 (وتىز) كۇن ىشىندە اپەللياتسيا ناتيجەلەرى بويىنشا قورىتىندى دايىندايدى.
اپەللياتسيالىق كوميسسيانىڭ قورىتىندىسىن كوميسسيا مۇشەلەرى اشىق داۋىس بەرۋ نەگىزىندە كوپشىلىك داۋىسپەن قابىلدايدى جانە وعان بارلىق كوميسسيا مۇشەلەرى قول قويادى. كوميسسيا وڭ شەشىم قابىلداعان جاعدايدا, كوميسسيا حاتتامالارىنىڭ كوشىرمەلەرى, قورىتىندى جانە ديسسەرتاتسيا سوڭعى شەشىم قابىلداۋ ءۇشىن كۇنتىزبەلىك 15 (ون بەس) كۇننىڭ ىشىندە كوميتەتكە جىبەرىلەدى.
اپەللياتسيالىق كوميسسيانىڭ قورىتىندىسى ونى قابىلداعان كۇننەن باستاپ كۇنتىزبەلىك 15 (ون بەس) كۇن ىشىندە ءوتىنىش بەرۋشىگە حابارلانادى.»;
20-تارماق مىناداي رەداكتسيادا جازىلسىن:
«20. ديسسەرتاتسيالىق كەڭەستە دوكتورلىق ديسسەرتاتسيا قورعالعاننان كەيىن عالىم حاتشى دوكتورانتتىڭ اتتەستاتسيالىق ءىسىن جيناقتايدى, ول كوميتەتكە كۇنتىزبەلىك 30 (وتىز) كۇن ىشىندە جىبەرىلەدى. وسى مەرزىم وتكەن جاعدايدا اتتەستاتسيالىق ءىس قاراۋعا قابىلدانبايدى. دوكتورانتتىڭ اتتەستاتسيالىق ىسىندە مىناداي قۇجاتتار قوسا بەرىلەدى:
1) ديسسەرتاتسيانىڭ ۇلتتىق عىلىمي-تەحنيكالىق اقپارات ورتالىعىنا جىبەرىلگەن كۇنى كورسەتىلىپ, ديسسەرتاتسيالىق كەڭەس توراعاسى قول قويعان ديسسەرتاتسيالىق كەڭەس قۇرىلعان جوو-نىڭ بلانكىسىندە ىلەسپە قولداۋحاتى;
2) بەرىك تۇپتەلگەن جانە ەلەكتروندىق تاسىمالداعىشتاعى (CD-ديسك) ديسسەرتاتسيا;
3) ديسسەرتاتسيا تاقىرىبى بويىنشا عىلىمي جاريالانىمدار ءتىزىمى مەن كوشىرمەلەرى;
4) وسى ۇلگى ەرەجەگە 2-قوسىمشاعا سايكەس نىساندا قازاق جانە ورىس تىلدەرىندە ديسسەرتاتسيانىڭ تىركەۋ-ەسەپ كارتوچكاسى;
5) ديسسەرتاتسيانىڭ اۆتورى مەن دەرەككوزىنە سىلتەمە جاساماي بوتەن ماتەريالدى پايدالانعانى تەكسەرىلگەنى تۋرالى ۇلتتىق عىلىمي-تەحنيكالىق اقپارات ورتالىعىنىڭ انىقتاماسى;
6) عىلىمي كەڭەسشىلەردىڭ پىكىرلەرى;
7) 2 (ەكى) رەتسەنزەنتتىڭ پىكىرى;
8) وسى ۇلگى ەرەجەگە 3-قوسىمشاعا سايكەس نىسان بويىنشا ديسسەرتاتسيالىق كەڭەس مۇشەلەرىنىڭ كەلۋ پاراعى;
9) توراعا جانە عالىم حاتشى قول قويعان ديسسەرتاتسيانى قورعاۋ جونىندەگى ديسسەرتاتسيالىق كەڭەس وتىرىسىنىڭ بەينەجازباسى مەن ستەنوگرامماسى;
10) جوعارى جانە جوعارى وقۋ ورنىنان كەيىنگى ءبىلىم تۋرالى ديپلومداردىڭ كوشىرمەلەرى, ولارعا قوسىمشالار (ترانس
