وتىرىستى اشقان ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ زاڭ جوباسى مەملەكەتتىك ساتىپ الۋدى ورتالىقتاندىرۋعا جانە ونىڭ جاڭا تاسىلدەرىن ەنگىزىپ, تىكەلەي ءبىر كوزدەن شارت جاساسۋعا قۇقىلى تاپسىرىس بەرۋشىلەر مەن الەۋەتتى ءونىم بەرۋشىلەردىڭ ءتىزىلىمىن قالىپتاستىرۋ جولىمەن تيىمدىلىكتى جانە اشىقتىقتى ارتتىرۋعا باعىتتالعانىن اتاپ ءوتتى.
ەنگىزىلەتىن تۇزەتۋلەر سىبايلاس جەمقورلىق تاۋەكەلدەرىن ازايتۋعا جانە مەملەكەتتىك ساتىپ الۋ تۋرالى زاڭنامانى جەتىلدىرۋگە ارنالعان. بۇل تۋرالى دەپۋتاتتارعا قارجى ۆيتسە-ءمينيسترى رۋسلان بەكەتاەۆ بايانداما جاساپ: - 2020 جىلدىڭ 24 قاڭتارىندا قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا مەملەكەت باسشىسى «ساتىپ الۋ پروتسەدۋرالارىنىڭ اشىقتىعىن قامتاماسىز ەتۋ, ادامي فاكتوردى بولدىرمايتىن ساندىق تەحنولوگيالاردى بەلسەندى ەنگىزۋ قاجەت», - دەپ اتاپ وتكەن بولاتىن. وسىعان بايلانىستى, ۆەب-پورتالدى جەتىلدىرۋ ەلەكتروندىق قارجى ورتالىعىنىڭ باستى مىندەتتەرىنىڭ ءبىرى بولىپ تابىلادى. جىل سايىن ورتالىق ۆەب-پورتالدىڭ فۋنكتسيونالدىعىن جاقسارتۋ ماقساتىندا 100-گە جۋىق جەتىلدىرۋ جۇمىستارىن جۇرگىزەدى, - دەدى.
بۇگىنگى تاڭدا 167 ۇيىم ۆەب-پورتال اقپاراتىن ءتيىستى تالداۋ جاساۋ ءۇشىن نەمەسە بار اقپاراتتى نارىقتىڭ باسقا قاتىسۋشىلارىنا ۇسىنۋ ءۇشىن پايدالانادى. وسىعان سايكەس, بىرىنشىدەن, ساتىپ الۋدىڭ بارلىق كەزەڭدەرىنىڭ اشىقتىعى. مۇندا ۆەب-پورتال تولىعىمەن اشىق جانە ايقىن. بارلىق وپەراتسيالار تاپسىرىس بەرۋشى مەن ءونىم بەرۋشى اراسىنداعى بايلانىسسىز ەلەكتروندىق فورماتتا وتەدى.
مەملەكەتتىك ورگان ساتىپ الۋ پورتالىندا حابارلاندىرۋ جاريالايدى جانە وتىنىمدەردى قابىلداۋدىڭ ەڭ از مەرزىمىن بەلگىلەيدى. كاسىپكەر ءوتىنىم بەرەدى جانە بەلگىلەنگەن مەرزىمدە باعا ۇسىنىستارىن اۆتوماتتى تۇردە اشىلادى. ەڭ تومەن باعا بەرگەن قاتىسۋشى جەڭىمپاز دەپ تانىلادى. ەكىنشىدەن, فورماتتىق-لوگيكالىق باقىلاۋ (فلب). ياعني, ءبىر كوزدەن ادىسىمەن ساتىپ الۋدى وتكىزۋ كەزىندە فلب.فلب-بۇل مەملەكەتتىك ساتىپ الۋ تۋرالى زاڭنامانىڭ بۇزىلۋىنا جول بەرمەۋ بويىنشا الدىن الۋ شارالارىن قابىلداۋ.
اتاپ ايتقاندا, تىكەلەي شارت جاساسۋ ارقىلى ءبىر كوزدەن الۋ تاسىلىمەن ساتىپ الۋدىڭ 19 نەگىزدەمەسى بويىنشا زاڭنامادا كوزدەلمەگەن جاعدايلاردا تاپسىرىس بەرۋشىلەرگە شارت جاساسۋعا مۇمكىندىك بەرمەيتىن فلب ورناتىلعان. بۇل رەتتە, قارجى مينيسترلىگىمەن وسىنداي شارتتار جاساسۋعا قۇقىلى ناقتى تاپسىرىس بەرۋشىلەر مەن ءونىم بەرۋشىلەردىڭ ءتىزىمى جاساقتالعان. وسى شارالاردى قابىلداۋ ءبىر كوزدەن الۋ تاسىلىمەن ساتىپ الۋلاردىڭ قىسقارۋىنا ىقپال ەتكەن. سونىمەن قاتار,2019 جىلدىڭ 1 تامىزىنان باستاپ جيھاز جانە جەڭىل ونەركاسىپتى ساتىپ الۋعا يندۋستريالىق سەرتيفيكاتى بار وتاندىق وندىرۋشىلەر عانا قاتىسا الادى.
ۆەب-پورتال باسقا جەتكىزۋشىلەرگە رۇقسات بەرمەيدى. وسىلايشا, شەتەلدىك وندىرۋشىلەر مەن يمپورتتىق تاۋارلاردىڭ دەلدالدارىنا جيھاز جانە جەڭىل ونەركاسىپتى ساتىپ الۋعا قول جەتكىزۋ شەكتەلگەن.سونداي-اق, وسىنداي باقىلاۋ شارالارى IT-قىزمەتتەردى, اۆتوموبيلدەردى, ترانسفورماتورلار مەن كابىلدىك ونىمدەردى ساتىپ الۋعا قاتىستى جۇزەگە اسىرىلعان. ەلەكتروندىق ءتىزىلىمى-شاعىمدار بويىنشا.2018 جىلدىڭ 1 قاڭتارىنان باستاپ مەملەكەتتىك ساتىپ الۋ ۆەب-پورتالىندا "ەلەكتروندىق شاعىمدانۋ"فۋنكتسيونالى ەنگىزىلدى.
ەندى شاعىمدار ەلەكتروندىق-تسيفرلىق قولتاڭبانى پايدالانا وتىرىپ, ۆەب-پورتال ارقىلى بەرىلمەك. وتىرىسقا ءماجىلىس دەپۋتاتتارى, مينيسترلىكتەر مەن ۆەدومستۆو باسشىلارى جانە پارلامەنتتىك ەمەس ساياسي پارتيالار مەن قوعامدىق ۇيىمداردىڭ وكىلدەرى قاتىستى.
زاڭ جوباسى بويىنشا جۇمىس توبىنىڭ جەتەكشىسى بولىپ ءماجىلىس دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى قاينازاروۆ ءۋاليحان انارباي ۇلى بەلگىلەندى.
