كەش شىرىن ماماسەرىكوۆانىڭ بالالىق شاعىم سومداعان قويىلىممەن باستالىپ, كىتاپحانا قىزمەتكەرلەرىنىڭ اقىن ولەڭدەرىن وقىعان ادەبي كومپوزيتسياسىمەن جالعاستى.
ءىس-شارادا اقىن, جۋرناليست, اۋدارماشى قازاقستان رەسپۋبليكاسىنىڭ مەملەكەتتىك سىيلىعىنىڭ لاۋرەاتى, جامبىل وبلىسىنىڭ قۇرمەتتى ازاماتى, پاراسات جانە قۇرمەت وردەندەرىنىڭ يەگەرى كۇلاش احمەتوۆا مەن جازۋشى, جۋرناليست, قازاقستان جازۋشىلار وداعىنىڭ جانە قازاقستان جۋرناليستەر وداعىنىڭ مۇشەسى, جۋرناليستەر وداعىنىڭ باۋبەك بۇلقىشەۆ اتىنداعى سىيلىعىنىڭ لاۋرەاتى كوسەمالى ءساتتىباي ۇلىنىڭ شىرىن اپامىزدىڭ 75 جاس مەرەيتويىنا قۇتتىقتاۋى ساحنادان ۆيدەومەن بەرىلدى.
اقىننىڭ ۇزەڭگىلەس قۇربىلارى, قازاقتىڭ اياۋلى اقىن قىزدارى كۇلاش احمەتوۆا مەن ايشا كوپجاساروۆانىڭ اقىنعا ارنالعان جىرلارىن كىتاپحاناشىلار وقىدى.
قازاقتىڭ پوەزيا پاديشاسى فاريزا وڭعارسىنوۆانىڭ شىرىن اقىننىڭ ادەبيەتتەگى, پوەزياداعى ورىنى تۋرالى وزەكتى ويلارى ايتىلىپ, شىرىن ماماسەرىكوۆانىڭ فاريزاعا ارنالعان ولەڭى وقىلدى.
كەشتى كىتاپحانا ديرەكتورى ە.ابدينوۆا قورىتىندىلاپ, اقىنعا سىي-قۇرمەتىن كورسەتتى. سونىمەن بىرگە, 10 اۋداننىڭ كىتاپحانا ديرەكتورلارى قاتىسىپ, جوبا جۇمىسىنىڭ جەتىستىكتەرىنە توقتالدى.
