باۋىرلاس مەملەكەت باسشىلارى ەكى ەل اراسىنداعى ساياسي, ەكونوميكالىق جانە مادەني-گۋمانيتارلىق سالاداعى ىنتىماقتاستىق دەڭگەيىنە جوعارى باعا بەردى.
تۇركىمەنستان كوشباسشىسى ازەربايجان — بەيبىتشىلىكتى, تۇراقتىلىق پەن قاۋىپسىزدىكتى قامتاماسىز ەتۋدە وڭىردەگى بەلسەندى جۇمىس ىستەيتىن تۇرىكمەنستاننىڭ ماڭىزدى ساياسي سەرىكتەسى ەكەنىن اتاپ ءوتتى.
سونداي-اق تاراپتار ەنەرگەتيكا, كولىك-كوممۋنيكاتسيا سالاسىندا, اگرارلىق سەكتوردا, حيميا جانە توقىما ونەركاسىبىندە, قۇرىلىس جانە تەحنولوگيالىق بلوكتاردا باسىم باعىتتاردى انىقتادى.
كەزدەسۋ بارىسىندا مەملەكەت اۋماعى ارقىلى شىعىس-باتىس باعىتى بويىنشا كولىك-ترانزيتتىك دالىزدەرى جانە پورت ينفراقۇرىلىمىن ەكى جاقتى ءتيىمدى پايدالانۋ ماسەلەلەرى قارالدى.
كەلىسسوزدەر اياسىندا تاراپتار مەملەكەتارالىق مادەني, گۋمانيتارلىق, عىلىمي, ءبىلىم بەرۋ جانە سپورت سالالارىندا بايلانىستاردى دامىتۋدىڭ جاي-كۇيى مەن كەلەشەگىن تالقىلادى.
كەزدەسۋ قورىتىندىسى بويىنشا بىرقاتار ماڭىزدى قۇجاتتارعا قول قويىلدى.
