2012 جىلعى 25 جەلتوقسان , استانا قالاسى
سپورت تۇرلەرىنەن جارىستاردىڭ قاعيدالارى بەكىتۋ تۋرالى
«دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 23-بابىنىڭ 23-تارماقشاسىنا سايكەس بۇيىرامىن:
1. قوسا بەرىلىپ وتىرعان «سپورت تۇرلەرىنەن جارىستاردىڭ قاعيدالارى» وسى بۇيرىققا قوسىمشاعا سايكەس بەكىتىلسىن.
2. مىنا بۇيرىقتاردىڭ كۇشى جويىلدى دەپ تانىلسىن:
1) «قازاقستان رەسپۋبليكاسىندا سپورتتىق ءىس-شارالاردى وتكىزۋ مەن حالىقارالىق سپورت جارىستارىنا قاتىسۋدىڭ ەرەجەسى تۋرالى» قازاقستان رەسپۋبليكاسى تۋريزم جانە سپورت جونىندەگى اگەنتتىگىنىڭ 2004 جىلعى 21 شىلدەدەگى № 06-2-2/229 بۇيرىعى (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6617 تىركەلگەن, 2010 جىلعى 29 قاراشاداعى № 3030 «كازاحستانسكايا پراۆدا» گازەتىندە جاريالانعان);
2) «سپورت تۇرلەرىنەن جارىستاردىڭ ەرەجەسىن بەكىتۋ تۋرالى» قازاقستان رەسپۋبليكاسى تۋريزم جانە سپورت ءمينيسترىنىڭ م.ا. 2010 جىلعى 18 قازانداعى № 01-01-07/ 146 بۇيرىعى (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6617 تىركەلىنگەن, 2010 جىلعى 30 قاراشاداعى № 325 (26386) «كازاحستانسكايا پراۆدا» گازەتىندە جاريالانعان).
3. ستراتەگيالىق دامۋ دەپارتامەنتى (د. قامزەباەۆا):
1) زاڭنامادا بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا رەسمي جاريالاۋدى, سونداي-اق قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ رەسمي ينتەرنەت-رەسۋرسىندا جاريالاۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ە.ب.قاناعاتوۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعا ت.ەرمەگياەۆ
قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ
2012 جىلعى 25 جەلتوقسانداعى № 446 بۇيرىعىمەن بەكىتىلدى
سپورت تۇرلەرىنەن جارىستاردىڭ قاعيدالارى
1. جالپى ەرەجەلەر
1. وسى سپورت تۇرلەرىنەن جارىستاردىڭ قاعيدالارى (بۇدان ءارى - قاعيدا) قازاقستان رەسپۋبليكاسى سپورت جانە دەنە شىنىقتىرۋ زاڭىنىڭ 23-بابى 23) تارماقشاسىنا سايكەس ازىرلەندى جانە سپورت تۇرلەرىنەن جارىستاردىڭ قازاقستان رەسپۋبليكاسىنىڭ اۋماعىندا وتكىزۋ ءتارتىبىن ايقىنداي وتىرىپ, تومەندەگىدەي تاراپتاردى قامتيدى:
1) سپورتتىق ۇيىمداردىڭ جارىستاردى وتكىزۋى;
2) قازاقستان رەسپۋبليكاسى پرەزيدەنتىنىڭ كۋبوگى نەمەسە جۇلدەسى ءۇشىن جارىستاردى وتكىزۋ:
3) بەلگىلى سپورتشىلاردىڭ, جاتتىقتىرۋشىلاردىڭ, سپورت جانە قوعام قايراتكەرلەرىنىڭ اتىنا نەمەسە بەلگىلى سپورتشىلاردىڭ, جاتتىقتىرۋشىلاردىڭ, سپورت جانە قوعام قايراتكەرلەرىنىڭ جۇلدەسى ءۇشىن رەسپۋبليكالىق جارىستار وتكىزۋ;
4) بەلگىلى سپورتشىلاردىڭ, جاتتىقتىرۋشىلاردىڭ نەمەسە سپورت قايراتكەرلەرىنىڭ ەسىمدەرىن وبلىستىق جارىستارعا بەرۋ جانە ولاردىڭ اتىنان جۇلدەلەر بەلگىلەۋ;
5) جارىستار مەن وقۋ-جاتتىعۋ جيىندارىن وتكىزۋگە ارنالعان شىعىستاردى جابۋ;
6) قازاقستان رەسپۋبليكاسىنداعى سپورت تۇرلەرىنىڭ ءتىزىلىمىن قالىپتاستىرۋ;
7) قازاقستان رەسپۋبليكاسىنداعى سپورت تۇرلەرىنىڭ ءتىزىلىمىن جۇرگىزۋ.
2. وسى قاعيدادا مىناداي ۇعىمدار قولدانىلادى:
1) سپورتتىق جارىس – جارىستىڭ ۇزدىك قاتىسۋشىسىن انىقتاۋ ماقساتىندا ءار ءتۇرلى سپورت تۇرلەرى بويىنشا سپورتشىلاردىڭ نەمەسە كوماندالاردىڭ اراسىنداعى سايىس;
2) سپورتتىق ءپان – جارىستار وتكىزىلەتىن قانداي دا ءبىر سپورت ءتۇرىنىڭ جەكە جاتتىعۋى نەمەسە جەكەلەگەن جاتتىعۋلار كەشەنى;
3) حالىقارالىق سپورتتىق جارىستار – كەمىندە 5 (بەس) مەملەكەتتىڭ وكىلدەرىنىڭ قاتىسۋىمەن سپورتشىلار (كوماندالار) اراسىندا سپورت تۇرىنەن وتەتىن جارىستار;
4) حالىقارالىق جارىستار – سپورت تۇرلەرى بويىنشا حالىقارالىق فەدەراتسيالاردىڭ بۇقارالىق-سپورتتىق ءىس-شارالار كۇنتىزبەسىنە ەنگەن جارىستار;
5) كەشەندى جارىستار – سپورتشىلار اراسىندا ورىنداردى بولەتىن جانە كوماندالار اراسىندا جالپى كوماندالىق ەسەپتى شىعاراتىن سپورتشىلار (كوماندالار) اراسىنداعى بىرنەشە سپورت تۇرىنەن جارىستار;
6) رەسپۋبليكالىق جارىستار – بۇقارالىق-سپورتتىق, ساۋىقتىرۋ ءىس-شارالارى مەن رەسپۋبليكالىق جانە حالىقارالىق نەگىزگى جارىستاردىڭ كۇنتىزبەسىنە ەنگىزىلگەن رەسپۋبليكالىق سپورت جارىستارى;
7) وبلىستىق, قالالىق, اۋداندىق جارىستار – دەنە شىنىقتىرۋ جانە سپورت جونىندەگى ءتيىستى جەرگىلىكتى اتقارۋشى ورگانداردىڭ بۇقارالىق-سپورتتىق, كۇنتىزبەسىنە ەنگىزىلگەن وبلىستىق, قالالىق جانە اۋداندىق سپورتتىق جارىستار;
8) قازاقستان رەسپۋبليكاسىنىڭ سپورت ءتۇر
