2013 جىلعى 15 قاڭتار, استانا قالاسى
مەديتسينالىق ۇيىمداردا ينفەكتسيالىق باقىلاۋدى جۇرگىزۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 5) تارماقشاسىنا سايكەس, قازاقستان رەسپۋبليكاسى ۇكىمەتىنىڭ 2012 جىلعى 12 قاڭتاردا № 33 قاۋلىسىمەن بەكىتىلگەن «ينفەكتسيالىق اۋرۋلاردىڭ الدىن الۋ بويىنشا سانيتاريالىق-ەپيدەمياعا قارسى (پروفيلاكتيكالىق) ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىنىڭ 213 - تارماعى نەگىزىندە بۇيىرامىن:
1. قوسا بەرىلىپ وتىرعان مەديتسينالىق ۇيىمداردا ينفەكتسيالىق باقىلاۋ جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەملەكەتتىك سانيتارلىق-ەپيدەميولوگيالىق قاداعالاۋ كوميتەتى (ج.م. بەكشين) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (ج.ج. داناەۆا) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى رەسمي جاريالاۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر س. قايىربەكوۆا.
قازاقستان رەسپۋبليكاسى دەنساۋلىق ساقتاۋ ءمينيسترىنىڭ
2013 جىلعى 15 قاڭتارداعى №19 بۇيرىعىمەن بەكىتىلگەن
مەديتسينالىق ۇيىمداردا ينفەكتسيالىق باقىلاۋدى جۇرگىزۋ قاعيدالارى
1. جالپى ەرەجەلەر
1. وسى مەديتسينالىق ۇيىمداردا ينفەكتسيالىق باقىلاۋدى جۇرگىزۋ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ مەديتسينالىق ۇيىمدارىندا ينفەكتسيالىق باقىلاۋدى ۇيىمداستىرۋ جانە جۇرگىزۋ ءتارتىبىن ايقىندايدى.
2. وسى قاعيدالاردا مىناداي تەرميندەر پايدالانىلدى:
1) انتيسەپتيكا – ەمدەۋدى قامتاماسىز ەتۋ جانە ينفەكتسيالىق ۇدەرىستىڭ دامۋىنىڭ الدىن الۋ ماقساتىندا تەرىدەگى, سىلەمەيلى قابىقشالارداعى, جارالار مەن قۋىستارداعى ىقتيمال قاۋىپتى ميكروورگنيزمدەردىڭ تىرشىلىك ەتۋىنە بوگەت جاساۋ نەمەسە جويۋ تاسىلدەرىنىڭ جيىنتىعى;
2) انتيسەپتيكتەر – انتيسەپتيكا جۇرگىزۋگە ارنالعان حيميالىق, بيولوگيالىق قۇرالدار;
3) انتيبيوتيكتەر – ميكروورگانيزمدەردىڭ ءوسۋىن باسەڭدەتەتىن, شىعۋ تەگى تابيعي نەمەسە جارتىلاي سينتەتيكالىق دارىلىك پرەپاراتتار;
4) اۋرۋحاناىشىلىك ينفەكتسيا (بۇدان ءارى – ءاىي) – پاتسيەنتتىڭ دەنساۋلىق ساقتاۋ ۇيىمدارىندا مەديتسينالىق قىزمەتتەردى الۋىمەن بايلانىستى باكتەريالىق, ۆيرۋستىق, پارازيتتىك نەمەسە گريبوكتەن پايدا بولاتىن كەز كەلگەن ينفەكتسيالىق اۋرۋ نەمەسە قىزمەتكەردىڭ مەديتسينالىق ۇيىمدا جۇمىس ىستەۋى سالدارىنان پايدا بولاتىن ينفەكتسيالىق اۋرۋ;
5) دەزينفەكتسيا – ينفەكتسيالىق جانە پارازيتتىك اۋرۋلاردىڭ قوزدىرعىشتارىن جويۋ بويىنشا شارالار كەشەنى;
6) دەزينفەكتسيالىق قۇرالدار – دەزينفەكتسيالاۋ, ستەريلدەۋ الدىندا تازارتۋ, ستەريلدەۋ جۇرگىزۋگە ارنالعان حيميالىق, بيولوگيالىق قۇرالدار;
7) ينفەكتسيانىڭ كوزى – ميكروورگانيزمدەردىڭ جينالۋىن, ءوسۋىن, كوبەيۋىن جانە قورشاعان ورتاعا ءبولىنۋىن قامتاماسىز ەتەتىن ولاردىڭ ءومىر ءسۇرۋىنىڭ تابيعي ورتاسى;
8) ينفەكتسيالىق باقىلاۋ – اۋرۋحاناىشىلىك ينفەكتسيالاردىڭ تۋىنداۋىنىڭ جانە تارالۋىنىڭ الدىن الۋعا باعىتتالعان ۇيىمداستىرۋ, سانيتاريالىق-ەپيدەمياعا قارسى (پروفيلاكتيكالىق) ءىس-شارالار جۇيەسى;
9) ينكۋباتسيالىق كەزەڭ – ينفەكتسيا قوزدىرعىشتارى ورگانيزمگە تۇسكەن
ساتتەن باستاپ اۋرۋدىڭ العاشقى بەلگىلەرى پايدا بولعانعا دەيىنگى ۋاقىتتىڭ بولىگى;
10) ينفەكتسيالىق باقىلاۋ مامانى – ءاىي-نىڭ الدىن الۋ جونىندەگى ءىس-شارالار كەشەنىن ۇيىمداستىراتىن, ولاردىڭ ورىندالۋىن باقىلايتىن, مەديتسينالىق ۇيىمداردا ينفەكتسيالىق باقىلاۋ ماسەلەلەرى بويىنشا پەرسونالدى وقىتۋدى جانە ءاىي-نىڭ مونيتورينگىن قامتاماسىز ەتەتىن دارىگەر-ەپيدەميولوگ جانە/نەمەسە ارنايى وقىتىلعان مەيىربيكە;
11) ينفەكتسيالىق باقىلاۋ ستاندارتتارى – ينفەكتسيالىق باقىلاۋ جۇيەسىن ۇيىمداستىرۋ جانە جۇرگىزۋ ءتارتىبى;
12) مەديتسينالىق ۇيىمعا ينفەكتسيانىڭ اكەلىنۋى – ستاتسيونارعا تۇسكەنگە دەيىن بولعان جانە ستاتسيوناردا پايدا بولعان نەمەسە انىقتالعان ينفەكتسيالىق اۋرۋلار;
13) مەديتسينالىق مانيپۋلياتسيالار جۇرگىزۋ الگوريتمى – اۋرۋحاناىشىلىك ينفەكتسيالاردىڭ دامۋى تاۋەكەلىن ازايتۋ ماقساتىندا ەمدەۋ-دياگنوستيكالىق مانيپۋلياتسيالار جانە پروفيلاكتيكالىق ءىس-شارالار جۇرگىزۋ تەحنولوگياسى;
14) تاۋەكەل فاكتورلارى – بۇل ءاىي-نىڭ پايدا بولۋىنا مۇمكىندىك بەرەتىن قورشاعان ورتانىڭ نەمەسە ورگانيزمنىڭ ءوزىنىڭ جاعدايى جانە ينفەكتسيا قوزدىرعىشىن بە
