وتاندىق ونىمگە قولداۋ ماقساتىندا وڭىردەگى قۇرىلىس كومپانيالارى قالا اتاۋىن يەمدەنگەن تسەمەنتتى پايدالانۋدا. «باعاسى قولجەتىمدى, ساپاسى جاقسى», دەيدى تۇتىنۋشىلار.
جاڭعىرتۋ پروتسەسىنەن وتكەن ءبىر عانا وسى مەكەمە ەمەس, شىمكەنت مۇناي وڭدەۋ زاۋىتى دا وسى جولدا ك4 جانە ك5 ەكولوگيالىق كلاستاعى جوعارى وكتاندى بەنزيند شىعارۋدى باستادى.
الداعى ۋاقىتتا شاھارداعى تاعى بىرنەشە كاسىپورىن تۇلەۋ مەن تۇرلەنۋدىڭ جاڭا كەزەڭىن باستاپ كەتپەك.
ال ءبىز باعاسى حالىققا قولجەتىمدى «شىمكەنتتسەمەنت» اق زاۋىتىنىڭ جۇمىسىنا قايتا ورالايىق.
اتالعان كاسىپورىن – بۇگىندە ىشكى نارىقتى وتاندىق تسەمەنت ونىمىمەن قامتاماسىز ەتىپ وتىرعان بىردەن-ءبىر ءوندىرىس ورنى. زاۋىتتا تسەمەنت بۇرىندارى ەسكى ادىسپەن شىعارىلعاندىقتان, ەكولوگياعا زيانى كوپ بولىپ, ءوندىرىس ايماعىنا جاقىن ورنالاسقان تۇرعىنداردىڭ نارازىلىعى كۇشەيە تۇسكەن. وسىنى ەسكەرگەن زاۋىت اكىمشىلىگى شەتەلدىك وزىق وڭدەۋ تەحنولوگياسىن ەنگىزىپ, قۇرعاق ادىسپەن تسەمەنت الا باستاعان. ء«ا» دەگەننەن جاڭا جوبا كادەگە جاراپ, قورشاعان ورتاعا تاستالاتىن زياندى زاتتاردىڭ دا كولەمى ازايعان. ەسەسىنە, تسەمەنتتىڭ ساپاسى جوعارىلاپ, قالاداعى ءىرى قۇرىلىس زاتتارى دۇكەندەرى بۇل تاۋاردى ساتىلىمعا شىعارا باستاعان.
زاۋىت باسشىسى شيشكا زبيگنەۆتىڭ كاسىپورىننىڭ وندىرىستەگى جاڭا تەحنولوگياسى تۋرالى وزىندىك ايتارى بار.
«كۇيدىرۋ پەشىنىڭ ىلعال ءəدىس تەحنولوگياسى, نەگىزىنەن, ونىڭ ەنەرگيانى كوپ قاجەت ەتەتىن جəنە سۇزگىلەردىڭ بەلسەندى ورتادا جۇمىس ىستەۋىنە تۋرا كەلەتىنىنەن شىعارىندىلاردى تازارتۋدا جوعارى كورسەتكىشتەرگە قول جەتكىزۋگە مۇمكىندىك بەرەتىن وزىق ۇلگىدەگى تەحنولوگيا ء(وۇت) رەتىندە قاراستىرىلمايدى. ءسويتىپ, ءوۇت باعىتىنداعى ىلگەرىلەۋ تسەمەنتتى ىلعالدى əدىسپەن وندىرۋدەن قۇرعاق əدىسپەن وندىرۋگە وتۋىنەن باستالادى, بۇل ءوز كەزەگىندە ەكولوگيالىق ونىمدىلىكتى قامتاماسىز ەتەدى. «شىمكەنتتسەمەنت» زاۋىتى تسەمەنت ءوندىرۋدىڭ قولدانىستاعى ىلعال ءəدىسى پەشىنىڭ جانىنان ءبىر كۇندە 3200 توننا ءونىم بەرەتىن جىلۋ الماستىرعىش كۇيدىرۋ پەشىن سالۋ ارقىلى جاڭا, زاماناۋي جوبانىڭ باستاماشىسى بولدى», دەيدى شيشكا زبيگنەۆ.
