پارتيا فيليالىنىڭ توراعاسى ەربولات ساۋرىقوۆ ارنايى سىيلىق تاپسىرىپ, سپورتشىنىڭ دەنىنە ساۋلىق, وتباسىنا اماندىق تىلەدى. ء«سىزدىڭ تاباندىلىعىڭىز بەن توزىمدىلىگىڭىز, جەڭىسكە دەگەن قۇلشىنىسىڭىز جاستارعا عانا ەمەس, بارشا ازاماتتارعا ۇلگى. پاراليمپيادا ويىندارىندا قازاقستان قورجىنىنا العاش التىن سالعان سپورتشى رەتىندە ەسىمىڭىز ەگەمەن ەلىمىزدىڭ تاريحىندا جازىلاتىنى انىق», دەدى ەربولات ساۋرىقوۆ.
سپورتتىق عۇمىرىندا 200-گە جۋىق مەدال العان زۋلفيا گابيدۋللينا ازيا ويىندارىنىڭ, بىرنەشە حالىقارالىق اشىق بىرىنشىلىكتەردىڭ چەمپيونى, 200 مەترگە ەركىن ادىسپەن جۇزۋدەن الەمدىك رەكورد يەسى. مەرەكەمەن قۇتتىقتاپ, ارنايى كەلگەن ازاماتتارعا العىسىن ايتقان سپورتشى الداعى جوسپارلارىمەن دە ءبولىستى. سونىمەن قاتار زۋلفيا گابيدۋللينا قازىرگى كەزدە توكيو قالاسىندا وتەتىن پاراليمپيادا ويىندارىنا قىزۋ دايىندىق ۇستىندە ەكەنىن, بۇيىرسا ەلىمىزدىڭ تۋىن بيىككە كوتەرىپ, ءانۇرانىمىزدى شىرقاتۋعا بار كۇش-جىگەرىن سالۋعا ەڭبەكتەنەتىنىن جەتكىزدى.
جامبىل وبلىسى
