«وتكەن جىلى ورىن العان جاعدايدان كەيىن اتىراۋ قالاسىنا باردىم. وقيعا اتىراۋ قالالىق №3 تىلىندە مۇكىسى بار بالالار مەن كورۋ جانە ەستۋ قابىلەتى ناشار بالالارعا ارنالعان ينتەرناتتا ورىن العان. مەن بارعان ۋاقىتتا مەكەمە باسشىسى قىزمەتىنەن بوساتىلىپ, ونىڭ ورنىنا ۋاقىتشا مىندەتىن اتقارۋشى بولدى. مەكەمە باسشىسىمەن سويلەسە كەلە 2019 جىلدىڭ قاڭتار-اقپان ايىندا مەكتەپ-ينتەرناتتىڭ تاربيەشىلەرى مەن سانيتارلارى تاراپىنان مۇگەدەك بالالاردى ۇرىپ-سوعۋ فاكتىلەرى انىقتالدى. بولعان جايت مەكەمەدەگى بەينەباقىلاۋ كامەرالارىنا جازىلعان. سول ۆيدەو دالەلدەر نەگىزىندە مەكتەپ-ينتەرناتتىڭ 5 قىزمەتكەرىنە الدىن الا تەرگەۋ امالدارى جۇرگىزىلدى. سونىمەن قاتار وسى ءىس بويىنشا وبلىستىق اكىمدىكتىڭ جانىنان ارنايى كوميسسيا دا قۇرىلعان بولاتىن. كۇنى كەشە باق ارقىلى بەلگىلى بولعانداي مۇگەدەك بالالارعا قول كوتەرگەن تاربيەشىلەر مەن سانيتارلار جاۋاپكەرشىلىكتەن بوساتىلعان. ولاردىڭ جازادان قۇتىلۋى ءبىزدى تاڭداندىرىپ وتىر. بۇل ماسەلە پارلامەنت سەناتىنىڭ باستى نازارىندا بولعان, ونىڭ ۇستىنە سەنات توراعاسى داريعا نازارباەۆانىڭ وسى ءىستىڭ ءمان-جايىن انىقتاۋ تۋرالى تىكەلەي تاپسىرماسى بولدى», دەدى سەناتور ن.تورەعاليەۆ.
سەناتوردىڭ ايتۋىنشا, باس پروكۋراتۋرا مەن قۇزىرلى قۇقىق قورعاۋ ورىندارى وسى وقيعانى ءوز نازارلارىنا الىپ, ماسەلە قاراۋسىز قالماۋى ءتيىس.
«مەرزىمى ءوتىپ كەتتى دەپ كىنالىلەردىڭ جازادان قۇتىلىپ كەتۋى قۇپتارلىق ءىس ەمەس. مۇنداي بىلىقتىڭ الدىن الماساق, ەرتەڭ تاعى ءبىر جەردە قايتالانادى, ونىڭ ارتى قوعامنىڭ نارازىلىعىنا الىپ كەلەدى. ءبىز مۇگەدەك جاندارعا قولداۋ كورسەتىپ, قوعامنىڭ بەلسەندى مۇشەسى بولۋىنا وڭ اسەر ەتۋدىڭ ورنىنا, كەرىسىنشە وسىلاي جابىرلەۋ, ارينە دۇرىس ەمەس», دەدى ول.
سونداي-اق سەنات دەپۋتاتى اتالعان ماسەلە بويىنشا ارنايى دەپۋتاتتىق ساۋال جولدايتىنىن ءمالىم ەتتى.
بۇل وقيعا وتكەن جىلدىڭ ناۋرىز ايىندا ورىن العان بولاتىن. ال كەشە اتىراۋ وبلىستىق پوليتسيا دەپارتامەنتى مەرزىمىنىڭ ءوتىپ كەتۋى مەن دالەلدەردىڭ جەتىسپەۋشىلىگىنە بايلانىستى ءىستى توقتاتقان ەدى.
