91 كەلىدە سىنعا تۇسكەن لەۆيت فينالدا جاڭا زەلانديا وكىلى داۆيد نيكامەن كەزدەسكەن بولاتىن. تارتىستى وتكەن كەزدەسۋدىڭ ءبىرىنشى كەزەڭىندە 4:1 ەسەبىمەن قارسىلاس بوكسشى باسىم ءتۇستى.
كەيىن لەۆيت تىزگىندى ءوز قولىنا الىپ, 5:0 ەسەبىمەن العا شىقتى. شەشۋشى راۋندتا تورەشىلەر ۆاسيلي لەۆيتتىڭ مىقتىلىعىن مويىنداپ, جەڭىستى قازاقستاندىق سپورتشىعا بەردى.
ەسكە سالا كەتەيىك, بۇل قازاقستان قورجىنىنداعى ەكىنشى التىن مەدال. بوكستان قازاقستان ەرلەر كومانداسى اممانداعى ىرىكتەۋ تۋرنيرىنەن 7 مەدال ەنشىلەپ وتىر. بەكزاد نۇرداۋەلتوۆ (81 كەلى) پەن ۆاسيلي لەۆيت (91 كەلى) التىن جۇلدەگەر اتانسا, زاكىر سافيۋللين (63 كەلى) مەن ءابىلحان امانقۇل (75 كەلى) كۇمىستى قاناعات تۇتتى. سەرىك تەمىرجانوۆ (57 كەلى), ابىلايحان ءجۇسىپوۆ (69 كەلى) جانە قامشىبەك قوڭقاباەۆ (+91 كەلى) قولا جۇلدەگەرلەر قاتارىندا.
