- قورداي اۋدانىندا ورىن العان وقيعالار جەرگىلىكتى تۇرعىنداردىڭ اراسىندا بىرقاتار ماسەلەلەردىڭ بار ەكەندىگىن كورسەتىپ بەردى. الداعى ۋاقىتتا وسىنداي جاعدايلاردىڭ ورىن الماۋى ءۇشىن الدىن الۋ جۇمىستارىن كۇشەيتۋ, بارلىق ءتيىستى شارالاردى قابىلداۋ كەرەك. جەرگىلىكتى حالىقتىڭ بۇگىنگى تىنىس-تىرشىلىگىن جانە ولاردى قانداي ماسەلەلەر تولعاندىراتىنىن زەردەلەپ وتىرۋ قاجەت, - دەپ اتاپ ءوتتى ايماق باسشىسى.
جوبا اياسىندا اقپاراتتىق-ءتۇسىندىرۋ جۇمىستارىن جۇرگىزۋ, الەۋمەتتىك ماسەلەلەر مەن اۋىل شارۋاشىلىعى ماسەلەلەرىن, ءدىني اسپەكتىلەر مەن قاۋىپسىزدىكتى زەردەلەۋ سەكىلدى باعىتتارى بويىنشا بەس جۇمىس توبى قۇرىلدى.
ءاربىر جۇمىس توبىنىڭ تىزىمدەرى بەكىتىلىپ, وعان ءتيىستى ۆەدومستۆولاردىڭ ءبىرىنشى باسشىلارى مەن سالالىق ماماندار ەندى. ايماق باسشىسى جاۋاپتى تۇلعالارعا ءار ەلدى مەكەننىڭ ەڭ اۋقىمدى ماسەلەلەرىن زەرتتەپ, جەرگىلىكتى تۇرعىنداردى تولعاندىرىپ, الاڭداتاتىن ماسەلەلەردى انىقتاۋدى تاپسىردى.
ايتا كەتۋ كەرەك, جۇمىس توبى ەڭ الدىمەن 12 ناۋرىز كۇنى قورداي اۋدانىنا اتتانباق. بۇل تۇرعىداعى جۇمىستار وبلىستىڭ بارلىق اۋداندارىندا جالعاسىن تاباتىن بولادى.
اۋداندارداعى ءتيىستى احۋالدى زەردەلەۋ قورىتىندىلارىنا سايكەس ناقتى ۇسىنىستار ازىرلەنبەك. مۇنداعى باستى ماقسات - تەك جامبىل وبلىسىندا عانا ەمەس, جالپى ەل بويىنشا الدىن الۋ شارالارىن ازىرلەۋ جانە قابىلداۋ.
