«كونستيتۋتسياعا سايكەس, ءبىز اسحات داۋىلباەۆتى كونستيتۋتسيالىق كەڭەس مۇشەسى قىزمەتىنە تاعايىنداعان بولتىنبىز. بۇگىن ونىڭ وكىلەتتىك مەرزىمى اياقتالدى. وسىعان بايلانىستى اتا زاڭعا سايكەس, ا. داۋىلباەۆتىڭ كانديداتۋراسىن قايتا تاعايىنداۋ ءۇشىن ۇسىنىپ وتىرمىن», - دەدى قر پارلامەنتى ءماجىلىسىنىڭ توراعاسى نۇرلان نىعماتۋلين.
ا. داۋىلباەۆ قۇقىق قورعاۋ سالاسىندا, ونىڭ ىشىندە پروكۋراتۋرا ورگانىندا كوپ جىلدار بويى ەڭبەك ەتكەن بىلىكتى ءارى تاجىريبەلى تۇلعا. ول 1987 جىلى سۆەردلوۆسك زاڭ ينستيتۋتىن ۇزدىك بىتىرگەننەن سوڭ ەڭبەك جولىن الماتى قالاسىنىڭ پروكۋراتۋراسىندا باستاپ, الماتى قالاسىنىڭ بىرقاتار اۋداندارىندا پروكۋروردىڭ ورىنباسارى, الماتى قالاسى تورەلىك سوت توراعاسىنىڭ ورىنباسارى سەكىلدى لاۋازىمداردى اتقاردى. 1997 جىلى قر ادىلەت ۆيتسە-ءمينيسترى بولدى. 2001 جىلى قر باس پروكۋرورىنىڭ ورىنباسارى بولىپ تاعايىندالىپ, ول قىزمەتتە 2011 جىلدىڭ ساۋىرىنە دەيىن قىزمەت ەتتى. 2011-2016 جىلدارى قر باس پروكۋرورى قىزمەتىن اتقاردى.
