ساپار بارىسىندا ەلباسى رەسەي پرەزيدەنتى ۆلاديمير پۋتينمەن كەزدەسەدى جانە م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە وتەتىن «ن. نازارباەۆ - ەۋرازيالىق ينتەگراتسيانىڭ ساۋلەتشىسى» كورمەسىنىڭ سالتاناتتى اشىلۋىنا قاتىسادى.
تۇڭعىش پرەزيدەنتتىڭ ءباسپاسوز قىزمەتى حابارلاعانداي, كورمەنىڭ باستى ماقساتى – ەۋرازيالىق ىنتىماقتاستىقتىڭ پايدا بولۋى مەن دامۋ تاريحىنداعى ن.نازارباەۆتىڭ ءرولى مەن يدەيانىڭ جاڭا جاھاندىق ولشەمدەگى دامۋ پەرسپەكتيۆالارىن كورسەتۋ.
كەلۋشىلەرگە ەلباسى كىتاپحاناسىنىڭ مۇراعات, كىتاپ جانە مۋزەي قورلارىنىڭ ماتەريالدارى ۇسىنىلادى. كورمە «قازاقستان - رەسەي: مەملەكەتارالىق قاتىناستاردىڭ ستاندارتى», «ەۋرازيالىق وداق: يدەيادان تاجىريبەگە» جانە «بولاشاقتىڭ زياتكەرلىك ۇلتى» اتتى ءۇش بولىمنەن قۇرالعان.
