بيۋدجەت شىعىستارىن قىسقارتۋ, رەسپۋبليكالىق جانە جەرگىلىكتى بيۋدجەتتەردى وڭتايلاندىرۋ شارالارى تۋرالى پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ, ماكروەكونوميكالىق, قارجىلىق جانە الەۋمەتتىك تۇراقتىلىقتى قامتاماسىز ەتۋ تۋرالى ۇلتتىق ەكونوميكا ءمينيسترى ر. دالەنوۆ پەن ۇلتتىق بانك توراعاسى ە. دوساەۆ باياندادى.
سونىمەن قاتار سىرتقى ىستەر ءمينيسترى م. تىلەۋبەردى, ساۋدا جانە ينتەگراتسيا ءمينيسترى ب. سۇلتانوۆ جانە رەسپۋبليكالىق جەدەل ارەكەت ەتۋ شتابىنىڭ باسقا دا مۇشەلەرى اقپاراتپەن ءبولىستى. وتىرىسقا قاتىسۋشىلار الەمدىك كونيۋنكتۋرانىڭ وزگەرۋى جاعدايىنداعى ەنەرگەتيكالىق نارىقتاعى جاي-كۇيدى, الەۋمەتتىك ماڭىزى بار ازىق-ت ۇلىك ونىمدەرىنە باعا بەلگىلەۋدى باقىلاۋ شارالارىن جانە ەلدەگى الەۋمەتتىك-ەكونوميكالىق تۇراقتىلىقتى قامتاماسىز ەتۋدىڭ باسقا دا وزەكتى ماسەلەلەرىن تالقىلادى.
داعدارىسقا قارسى ءىس-قيمىل جوسپارىنا ەنگىزۋگە قاجەتتى ۇسىنىستار جانە حالىقتى جۇمىسپەن قامتۋدى قولداۋ جونىندەگى ارنايى جوسپار قارالدى. سىرتقى ەكونوميكالىق سىن-تەگەۋرىندەردەن جانە سىرتقى نارىقتارداعى قالىپتاسقان جاعدايدان تاۋەكەلدەردى نيۆەليرلەۋ جونىندەگى شارالار تالقىلاندى.
