قازاقستان • 10 ناۋرىز، 2020

الەۋمەتتىك تولەمدەر وڭتايلاندىرىلادى — قارجى مينيسترلىگى

39 رەتكورسەتىلدى

سىرتقى فاكتورلارعا بايلانىستى قالىپتاسقان ەكونوميكالىق جاعدايلاردا مەملەكەتتىك بيۋدجەتتىڭ تەڭگەرىمدىلىگى مەن تۇراقتى دامۋىن قامتاماسىز ەتۋ ءۇشىن ءتيىستى شارالار قابىلداناتىن بولادى. بۇل تۋرالى ۇكىمەت الاڭىندا وتكەن ءباسپاسوز كونفەرەنتسياسىندا قارجى ۆيتسە-ءمينيسترى بەرىك شولپانقۇلوۆ مالىمدەدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«2020 جىلى 4 ترلن 816 ملرد تەڭگە كولەمىندە قارجى تۇسەدى دەپ جوسپارلانعان. مۇنىڭ بارلىعى ۇلتتىق قورعا باعىتتالادى. رەسپۋبليكالىق بيۋدجەتكە ەكسپورتتىق كەدەن باجى تۇرىندە 1 ترلن 019 ملرد تەڭگە كولەمىندە كىرىس تۇسەدى. ەگەر مۇناي باعاسى $25 تومەن بولعان جاعدايدا — بۇل تولەمدەر نولگە تەڭ بولادى، ياعني ءتۇسىم بولمايدى. مۇناي سەكتورىنان تۇسكەن قالعان تولەمدەر ۇلتتىق قورعا باعىتتالادى»، — دەپ حابارلادى ب. شولپانقۇلوۆ.  

بيۋدجەتتى ناقتىلاۋ تۇرعىسىنان بۇگىندە شىعىستاردى وڭتايلاندىرۋ شارالارى قابىلداناتىن بولادى.

«قىمبات جيھاز، اۆتوكولىك ساتىپ الىنبايدى، يميدجدىك ءىس-شارالار شەكتەلەدى، سونداي-اق باسىم ەمەس شىعىندار بولمايدى. اتالعان شارالار ەڭ الدىمەن الەۋمەتتىك تولەمدەردى قامتاماسىز ەتۋگە باعىتتالادى. الەۋمەتتىك تولەمدەر تولىق كولەمدە تولەنەدى جانە مەملەكەتتىڭ مىندەتتەمەلەرى دە ۋاقىتىلى ورىندالادى. وتكەن جىلى مۇناي باعاسى باررەلىنە $30-دان تومەن ءتۇسىپ، بيۋدجەتى داعدارىسقا قارسى جوسپاردىڭ دەر كەزىندە قابىلدانعانىنا بايلانىستى وسى مىندەتتى وڭاي ءارى جەدەل ورىنداپ شىقتى. بارلىق ءتيىستى ەسەپتەر دايىن، ءبىز ءبىرىنشى توقساننىڭ قورىتىندىسىن كۇتەمىز»، — دەدى ءبىرىنشى ۆيتسە-مينيستر. 

ب. شولپاقۇلوۆ اتاپ وتكەندەي، بۇل شىعىستار بويىنشا الدىن الا جۇمىستار جۇرگىزىلدى. مەملەكەتتىك ورگانداردىڭ، وڭىرلەر مەن كۆازيسەكتور سۋبەكتىلەرىنىڭ ءار ارەكەتى بەلگىلەنگەن جول كارتاسى بەكىتىلدى، قازىرگى جاعدايدا باسىمدىققا يە ەمەس، كەيىن دە ىسكە اسىرۋعا بولاتىن جوبالار مەن شارالار كەيىنگە قالدىرىلدى. 

ايتا كەتەيىك، 2020 جىلعا 68 نىساندى ىسكە اسىرۋ جوسپارلانعان. 34 نىسان ساتۋعا شىعارىلدى. قاڭتار-اقپان ايلارىندا 3،2 ملرد تەڭگە سوماسىنا 6 نىسان ساتىلدى. 28 نىسان ساتىلۋ بارىسىندا. 3 نىسان قايتا قۇرۋ مەن تاراتۋعا باعىتتالعان. 31 نىسان جىل سوڭىنا دەيىن ساتۋعا قويىلادى. ەسەپتى كەزەڭدە بيۋدجەتتىڭ ورىندالۋ كورسەتكىشتەرى وسىنداي. 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار