«حالىققا قولايلى ەتۋ ماقساتىندا كولىك قۇرالدارى سالىعىن تولەۋ مەرزىمىن اۋىستىرۋ قاراستىرىلىپ وتىر. قازىر سالىق جىل سوڭىنا دەيىن تولەنەدى. ەندى كەلەسى جىلدىڭ 1 ساۋىرىنە دەيىن تولەۋ ۇسىنىلادى», - دەدى ۆيتسە-مينيستر سالىق سالۋ ماسەلەلەرى بويىنشا زاڭ جوباسىن تانىستىرۋ بارىسىندا.
ونىڭ سوزىنە قاراعاندا, ازاماتتىق-قۇقىقتىق كەلىسىمشارتتار بويىنشا جەكە تابىس سالىعىن ەسەپتەۋ كەزىندە مىندەتتى زەينەتاقى جارنالارىنىڭ مولشەرىن شەگەرۋ قاراستىرىلماعان. وسى ورايدا شەگەرىمدى قولدانۋ جانە قوسارلانعان سالىق سالۋدى جويۋ ءتارتىبىن ناقتىلاۋ قاجەت.
- ناۋقاستاردى دەمەۋشىلىك جانە قايىرىمدىلىق كومەك ەسەبىنەن ەمدەۋگە جاتقىزۋ كەزىندە ناۋقاستاردى الىپ جۇرەتىن ادامنىڭ جول ءجۇرۋ جانە قونىستانۋى دا وسى قاراجات ەسەبىنەن تولەنەدى, - دەدى ۆيتسە ءمينيستر مادي تاكيەۆ.
وسىعان بايلانىستى, ناۋقاستاردى دا, ناۋقاستاردى الىپ جۇرەتىن ادامدى دا جەكە تابىس سالىعىنان بوساتۋ ۇسىنىلادى. بۇدان بولەك, قازىرگى تاڭدا بانكتەردىڭ نەسيەلەردى كەشىرۋى كەزىندە كورپوراتيۆتىك جانە جەكە تابىس سالىقتارى بويىنشا جەڭىلدىكتەر قاراستىرىلعان. ەندى يپوتەكالىق ۇيىمدار ءۇشىن دە وسىنداي شارالار كوزدەلىپ وتىر.
