جوبانىڭ ماقساتى – قالا تۇرعىندارىنىڭ كوڭىلىن كوتەرىپ, قۋانىشتى ساتتەردى فوتو ارقىلى جەتكىزۋ. كامەرا وبەكتيۆىنە كەزدەيسوق تۇسكەن ەلوردالىقتار دا ۇيىمداستىرۋشىلارعا ريزاشىلىقتارىن ءبىلدىردى. «مەرەكە قارساڭىندا ءوزىمىز فوتوسەسسيا جاساۋدى جوسپارلاپ جۇرگەن ەدىك. بۇگىن قىزدارىممەن كوڭىل كوتەرىپ, قالانى ارالاۋعا شىققانبىز. وسىنداي جوبانى جۇزەگە اسىرىپ جۇرگەن ۇيىمداستىرۋشىلارعا كوپ راحمەت. مەيرامعا قارسى قىزدارىمنىڭ تاعى ءبىر ارمانى ورىندالدى», - دەدى كوپبالالى انا جاننۇر امانتاي.
جوبانى جۇزەگە اسىرۋشىلاردىڭ ءبىرى – قىلقالام شەبەرى ايدوس ەسماعامبەت. مادام تيۋسسو مۋزەيىنەن شابىت العان ءمۇسىنشى بولاشاقتا ەلىمىزدە سيليكوننان جاسالعان مۇسىندەر مۋزەيىن اشۋدى ارماندايدى. ايدوستىڭ شەبەرحاناسىندا اقش-تىڭ 44-پرەزيدەنتى باراك وباما, ەلباسى نۇرسۇلتان نازارباەۆتىڭ, بوكسشى گەننادي گولوۆكيننىڭ مۇسىندەرى بار.
«رۋحاني جاڭعىرۋ» كەڭسەسى الداعى ۋاقىتتا «100 جاڭا ەسىم» جوباسىنىڭ جەڭىمپازدارىمەن ءتۇرلى شارالاردى جۇزەگە اسىرۋدى جوسپارلاۋدا. سونداي-اق كەڭسەنىڭ وقۋ ورتالىعىندا جوبا جەڭىمپازدارىمەن كەزدەسۋلەر دە ۇيىمداستىرىلادى.
