قۇرىلىسى وتكەن جىلى شىلدە ايىندا باستالعان جوبانىڭ جالپى قۇنى – 1,55 ملرد تەڭگە. مەنشىك يەسى – «سارىاعاش اۋدانى سۋ شارۋاشىلىعى» مەملەكەتتىك كوممۋنالدىق مەكەمەسى. قۇرىلىسقا جاۋاپتى مەكەمە – «گيدروقۇرىلىس» جشس-ى. «اۋدانداعى 1300 گەكتار اۋماقتى اعىن سۋمەن قامتيتىن كانالدى بەتونداۋ جۇمىستارى بيىل جەلتوقسان ايىندا تولىق اياقتالادى. بۇعان دەيىن كانالدىڭ سۋ وتكىزۋ قابىلەتى سەكۋندىنا 5 تەكشە مەتردى قۇراسا, قۇرىلىسى بىتكەننەن سوڭ بۇل كولەم ەداۋىر ارتا تۇسەتىن بولادى. بۇدان بولەك, كانال بەتوندالعاننان سوڭ 1500 گەكتار ەگىستىك جەردى اعىن سۋمەن قامتاماسىز ەتىپ, سۋ ۇنەمدىلىگى 30 پايىزعا جەتەدى», دەيدى «سارىاعاش سۋ شارۋاشىلىعى» جشس ديرەكتورىنىڭ ورىنباسارى نۇرعالي ارىزقۇلوۆ.
ايتا كەتەلىك, سارىاعاش اۋدانى بويىنشا 9 مىڭ گەكتار سۋارمالى جەر بار. بۇل كولەم جىل ساناپ ارتىپ كەلەدى. وسى ەگىستىك القاپتاردى اعىن سۋمەن قامتىپ وتىرعان ءىرىلى-ۇساقتى 20 كانال بار.
