«بۇگىنگى تالقىلانىپ جاتقان احۋال اياسىندا ۇكىمەت ازاماتتاردى الەۋمەتتتىك قامسىزداندىرۋ بويىنشا بارلىق الەۋمەتتىك مىندەتتەمەلەرىن تولىق كولەمدە ورىندايتىن بولادى. 2020 جىلعا مەملەكەتتىك بيۋدجەتتە 4 ملن-نان استام الەۋمەتتىك تولەمدەر الۋشىلارعا 3 377 ملرد تەڭگەگە جۋىق قارجى قاراستىرىلعان», — دەدى ب. نۇرىمبەتوۆ.
زەينەتاقى مەن جاردەماقى الۋشىلاردىڭ ساتىپ الۋ قابىلەتىن ساقتاۋ ماقساتىندا 2020 جىلعى 1 قاڭتارىنان ينفلياتسيا دەڭگەيىن ەسكەرە وتىرىپ بارلىق الەۋمەتتىك تولەمدەر 5%-عا ءوستى, ونىڭ ىشىندە زەينەتاقى مولشەرى 7%-عا, ياعني ينفلياتسيادان 2%-عا ىلگەرىلەپ ارتتىرىلدى.
«سىرتقى نارىقتا قالىپتاسقان جاعدايدى ەسكەرە وتىرىپ, حالىق ءۇشىن مۇمكىن بولاتىن سالدارىن جەڭىلدەتۋ ماقساتىندا بارلىق الەۋمەتتىك تولەمدەردىڭ مولشەرى ينفلياتسيا دەڭگەيىنە سايكەستەندىرىلەتىن بولادى», — دەدى مينيستر.
ونىڭ ايتۋىنشا, قازىرگى جاعدايلاردا حالىقتى جۇمىسپەن قامتۋ بويىنشا بارلىق شارالار قابىلدانادى, ونىڭ ىشىندە «ەڭبەك» مەملەكەتتىك باعدارلاماسىنىڭ الەۋەتى قوسا الىنعان.
اعىمداعى جىلى جۇمىسپەن قامتۋ شارالارىمەن 735 مىڭ ادامدى قامتۋ جوسپارلانىپ وتىر. باعدارلامادا داعدارىسقا دەن قويۋ بويىنشا بارلىق شارالار كوزدەلگەن, ولار: جۇمىسسىزداردى, ونىڭ ىشىندە قىسقارتىلاتىن جۇمىسكەرلەردى قوسا, قايتا وقىتۋ, جەڭىلدەتىلگەن نەسيەلەر مەن ميكرو بيزنەستى دامىتۋ ءۇشىن گرانتتار بەرۋ, سۋبسيديالاناتىن جۇمىس ورىندارىنا ورنالاستىرۋ.
وسى شارالاردى ىسكە اسىرۋعا مەملەكەتتىك بيۋدجەتتەن اعىمداعى جىلعا 123 ملرد تەڭگە كوزدەلگەن
ەڭبەك نارىعىنداعى تۇراقتىلىقتى قامتاماسىز ەتۋ جانە جۇمىسسىزدىق دەڭگەيىنىڭ كۇرت وسۋىنە جول بەرمەۋ شارالارىن ىسكە اسىرۋ ماقساتىندا الەۋمەتتىك نىسانداردى جوندەۋ جانە ەلدى مەكەندەردى اباتتاندىرۋ بويىنشا ينفراقۇرىلىمدىق جوبالاردى ىسكە اسىرۋ جونىندەگى جول كارتاسىن ازىرلەۋ جوسپارلانعان. سونىمەن قاتار, ەحاقم سۋبسيديالاناتىن ۋاقىتشا جۇمىس ورىندارىمەن قامتۋدى كەڭەيتۋدى, جۇمىستان بوساۋ مۇمكىن جۇمىسكەرلەردىڭ كاسىپتىك وقىتۋىن ۇيىمداستىرۋدى جانە ميكروبيزنەستى دامىتۋعا ارنالعان گرانتتار سانىن ارتتىرۋدى كوزدەپ وتىر.
جۇمىسكەرلەردىڭ ەڭبەك قۇقىقتارىن قورعاۋ جانە جۇمىسپەن قامتىلۋ دەڭگەيىن ساقتاۋ ماقساتىندا, جۇمىسكەرلەردى جۇمىستان بوساتۋدى جوسپارلاعان كاسىپورىندارعا كۇندەلىكتى مونيتورينگ جۇرگىزۋ كۇشەيتىلەتىن بولادى, ونداي جۇمىسكەرلەردى جۇمىسقا ورنالاستىرۋ شارالارى قابىلدانادى.
كاسىپورىندارمەن ەكونوميكا سالالارى اراسىندا جۇمىسكەرلەردىڭ باسقارىلاتىن اعىنى بويىنشا جول كارتالارىن, سونداي-اق جۇمىس ورىندارىن ساقتاۋ بويىنشا مەموراندۋمدار جاساسۋ جۇمىستارى جالعاسا بەرمەك.
ەلدەگى تاۋەكەل شەڭبەرىندە جۇرگەن بارلىق كاسىپورىندار, ءبىرىنشى كەزەكتە جالاقى بەرەشەگىنە جول بەرمەۋ ماقساتىندا الدىن الۋ باقىلاۋىمەن قامتاماسىز ەتىلەتىن بولادى.
«مۇددەلى ورتالىق جانە جەرگىلىكتى اتقارۋشى ورگاندارمەن, "اتامەكەن" ۇكپ-مەن بىرلەسىپ, 2020 جىلعا جوسپارلانىپ وتىرعان 431 مىڭ جاڭا جۇمىس ورنىن قۇرۋدى قامتاماسىز ەتۋ بويىنشا جۇيەلى شارالار قابىلدانادى», — دەپ تۇيىندەدى ب. نۇرىمبەتوۆ.
