ءىس-شاراعا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى يۋري يلين قاتىستى.
يۋري يلين اتاپ وتكەندەي, ءىىم ورتالىق جانە جەرگىلىكتى اتقارۋشى ورگاندارمەن بىرلەسىپ كوكتەمگى سۋ تاسۋ كەزەڭىندە توتەنشە جاعدايلاردىڭ تۋىنداۋ قاۋپىن ازايتۋ بويىنشا ءىس-شارالار كەشەنىن جۇرگىزۋدە.
نۇر-سۇلتان قالاسىندا, اقمولا, شىعىس قازاقستان, قاراعاندى, قوستاناي, پاۆلودار جانە سولتۇستىك قازاقستان وبلىستارىندا جاعدايدىڭ قيىنداۋى وتە ىقتيمال.
اعىمداعى جىلدىڭ سۋ تاسقىنى قاۋىپتى كەزەڭىنە دايىندىق ماقساتىندا, كۇزگى كەزەڭدە (2019 جىل) ەلىمىزدىڭ وڭىرلەرىندە 165 شاقىرىم قورعانىس بوگەتتەرىن سالۋ جانە جوندەۋ; سۋ تاسقىنى قاۋپى بار وزەندەردىڭ 375 شاقىرىم ارنالارىن جاعالاۋدى بەكىتۋ, ءتۇبىن تەرەڭدەتۋ, تۇزەتۋ; 156 شاقىرىم سۋ بۇرۋ ارنالارىن ورناتۋ; 6 مىڭ كم ارنالاردى (3513 دانا), ارىقتاردى (4709 دانا) جانە 17 مىڭ بىرلىك اۆتوكولىك جانە ت/ج كوپىرلەرى استىنداعى سۋ وتكىزۋ قۇرىلىستارىن (13031 دانا اۆتو جانە 4119 دانا ت/ج) تازارتۋ بويىنشا جۇمىستار جۇرگىزىلدى.
جەرگىلىكتى اتقارۋشى ورگانداردىڭ سۋ باسۋىنا جول بەرمەۋ ماقساتىندا ەلدى مەكەندەردەن 11,5 ملن. استام تەكشە مەتر قار شىعارىلدى,
ججم (قازىر – 13,8 مىڭ توننا), ينەرتتى ماتەريالدار (157,6 مىڭ توننا), قاپتار (940 مىڭ دانا) جانە جارىلعىش زاتتار (48 توننا) قورى قالىپتاستىرىلۋدا.
سونىمەن قاتار, سۋ تاسقىنى قاتەرلەرىنىڭ الدىن الۋ جانە ولاردى جويۋ جونىندەگى جول كارتاسى ىسكە اسىرىلۋدا (2017-2020 جىلدارعا ارنالعان), وتكەن 3 جىل ىشىندە سۋ تاسقىنى اسەرىنە ۇشىراعان 1046 ەلدى مەكەننەن 437 ەلدى مەكەندە سۋ باسۋ قاۋپىن بولدىرماۋعا جانە 287 ەلدى مەكەندە سۋ باسۋ قاۋىپ-قاتەرىن بارىنشا ازايتۋعا مۇمكىندىك بەردى.
ىقتيمال سۋ باسۋ جاعدايىنا ەۆاكۋاتسيالاناتىن حالىقتى قابىلدايتىن 1707 بەكەت ازىرلەندى, مارشرۋتتار جاڭارتىلدى, قاجەتتى كولىك ءبولىندى.
ەۆاكۋاتسيالانعان حالىقتىڭ تىرشىلىگىن قامتاماسىز ەتۋ ءۇشىن اكىمدىكتەر قاجەتتى قۇرالدار (شاتىرلار, كەرەۋەتتەر) دايىندادى. ازىق- ت ۇلىك پەن اۋىز سۋ قورى جاسالدى.
سۋ تاسقىنى جاعدايىنىڭ ىقتيمال قيىنداۋىنا جەدەل دەن قويۋ ماقساتىندا ىشكى ىستەر ورگاندارىنان جالپى سانى 9 مىڭ ادام جانە 1730 بىرلىك تەحنيكادان ارنايى كۇشتەر مەن قۇرالدار توپتامالارى قۇرىلدى.
جەكەلەگەن وڭىرلەردە سۋ تاسقىنى جاعدايى شيەلەنىسۋى مۇمكىن جاعدايعا قوسىمشا جىبەرۋ ءۇشىن تجك جانە ۇلتتىق ۇلاننىڭ اۋماقتىق بولىمشەلەرىنىڭ كۇشتەرى مەن قۇرالدارىنىڭ رەزەرۆتىك توپتارى دايىندالدى.
25-26 اقپاندا «كوكتەم-2020» رەسپۋبليكالىق كوماندالىق-شتابتىق وقۋ-جاتتىعۋ بارىسىندا ازاماتتىق قورعاۋ باسقارۋ ورگاندارىنىڭ, كۇشتەر مەن قۇرالداردىڭ ءىس-قيمىلدارى ءىس جۇزىندە پىسىقتالدى, باسقارۋ شتابى نۇر-سۇلتان قالاسىندا بولدى.
سۋ تاسقىنى كەزەڭىنىڭ ءوتۋى ءىىم, ورتالىق جانە جەرگىلىكتى اتقارۋشى ورگانداردىڭ باقىلاۋىندا.
