جەكە تۇلعالار مەن مەملەكەتتىك ەمەس زاڭدى تۇلعالار وبەكتىنى جالعا الۋشىلار بولىپ تابىلادى. نىساندار قوسىمشا ءبىلىم بەرۋ باعدارلامالارىن (بالالار مەن جاسوسپىرىمدەر شىعارماشىلىعىن دامىتۋ, سپورت سالاسىنداعى بەيىمدىلىكتەر مەن قىزىعۋشىلىقتار), سونداي-اق سپورتتىق-ساۋىقتىرۋ شارالارىن جۇزەگە اسىرۋ ماقساتىندا ساباقتان تىس, دەمالىس ۋاقىتىندا تەندەرسىز جالعا بەرىلەدى.
دەنە شىنىقتىرۋ-ساۋىقتىرۋ كەشەندەرى مەن سپورت نىساندارىن جالداۋ تۋرالى حابارلاندىرۋلار www.gosreestr.kz ينتەرنەت-رەسۋرسىندا ورنالاستىرىلادى. نىساندى جالعا العىسى كەلەتىن ادامدار ءوتىنىمىن ينتەرنەت-رەسۋرستا ەرەجەلەرمەن بەكىتىلگەن فورما بويىنشا تولتىرۋ قاجەت.
وتىنىشكە كەلەسى قۇجاتتار قوسا بەرىلەدى: 1) مەملەكەتتىك ەمەس زاڭدى تۇلعالار ءۇشىن – زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ كوشىرمەسى; 2) جەكە تۇلعالار ءۇشىن – ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەلەرى, ءوتىنىش بەرۋشى جىبەرگەن حابارلامالار تۋرالى رۇقساتنامالار مەن حابارلامالاردىڭ مەملەكەتتىك ەلەكتروندىق تىزىلىمىنەن ءۇزىندى كوشىرمە (جەكە كاسىپكەر ءۇشىن). جالداۋ اقىسىنىڭ مولشەرى قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 17 ناۋرىزداعى بۇيرىعىمەن رەتتەلەدى.
