كەپىلدەندىرىلگەن الەۋمەتتىك پاكەتتەر ەلوردانىڭ 4 اۋدانىنداعى "ماگنۋم" جشس ساۋدا جەلىسىنىڭ 5 سۋپەرماركەتىندە بەلگىلەنگەن كەستە بويىنشا بەرىلەدى. جالپى, مەملەكەتتىك الەۋمەتتىك كومەك 4,4 مىڭنان اسا بالانى قامتيدى. ولاردىڭ اتا-انالارى وسى جىلدىڭ قاڭتار-اقپان ايلارىندا ااك الۋ جونىندە ءوتىنىش بەرگەن بولاتىن. ايتا كەتسەك, 1 مەن 6 جاس ارالىعىنداعى بالالارعا ارنالعان الەۋمەتتىك كومەككە ازىق-ت ۇلىك پەن تۇرمىستىق حيميا تاۋارلارى كىرەدى.
بۇل جيىنتىق از قامتىلعان وتباسىلارىنداعى ءار بالاعا توقسانىنا ءبىر رەت بەرىلەدى. قازىرگى ۋاقىتتا دۇرلىكپە مەن كەزەكتەردىڭ الدىن الۋ ماقساتىندا ەلوردالىق جۇمىسپەن قامتۋ جانە الەۋمەتتىك قورعاۋ باسقارماسى كەپىلدەندىرىلگەن الەۋمەتتىك پاكەتتەر الۋشىلاردىڭ ءتىزىمىن جاسادى. الەۋمەتتىك پاكەتتەر اي سايىن كەستە بويىنشا بەرىلەدى. ءاربىر بەرۋ پۋنكتىندە جاۋاپتى تۇلعالار بەكىتىلگەن. الەۋمەتتىك پاكەتتى الۋشىلار ءوز جسن-ءدى http://www.magnum.kz/garantirovannaya-socialnaya-pomoshh سايتىنا ەنگىزىپ, تىزىمدە بار-جوعىن تەكسەرە الادى. ولاردىڭ اتى-ءجونى كۇن سايىن الفاۆيتتىك تارتىپپەن جاريالاناتىنىن ەسكە سالامىز.
كەستەدە ازاماتتاردىڭ كەپىلدەندىرىلگەن الەۋمەتتىك پاكەتتەردى قاشان جانە قايدان الۋعا بولاتىنى جانە ازاماتتاردىڭ سۋپەرماركەتىڭ قاي فيليالىنا بەكىتىلگەنى كورسەتىلگەن. كومەك الۋشى تىزىمنەن ءوزىن تاپقاننان كەيىن ءوزى بەكىتىلگەن Magnum فيليالىنا بارۋى قاجەت.
كەپىلدەندىرىلگەن الەۋمەتتىك پاكەتتەر بەرىلەتىن "ماگنۋم" ساۋدا جەلىسى سۋپەرماركەتتەرىنىڭ مەكەن-جايلارى: الماتى اۋدانى, ەدىل كوشەسى, 26, جانسۇگىروۆ كوشەسى, 8/1 "ب" ليتەرى; بايقوڭىر اۋدانى, ش. ءۋاليحانوۆ كوشەسى, 20; ەسىل اۋدانى, تۇران داڭعىلى, 55 "د"; سارىارقا اۋدانى, الاش تاس جولى, 23/1. ەستەرىڭىزگە سالساق, ءوزىنىڭ جولداۋىندا مەملەكەت باسشىسى مۇقتاج جانداردى الەۋمەتتىك كومەكپەن قامتاماسىز ەتۋدە ەڭبەككە ىنتالاندىرۋ, ءادىل ءارى تازا بولۋى ءۇشىن ااك-ءتى تاعايىنداۋدىڭ مەحانيزمىن رەتتەۋدى تاپسىرعان بولاتىن. الەۋمەتتىك جاعىنان از قامتىلعان وتباسىلارىنىڭ بالالارىنا كەپىلدەندىرىلگەن الەۋمەتتىك پاكەت پەن ااك جانە تۇرمىسى تومەن وتباسىلارعا ارنالعان جاڭا جاردەماقىنى قوسقانداعى كەشەندى جاڭا شارالار 2020 جىلدىڭ 1 قاڭتارىنان باستاپ جۇزەگە اسىرىلۋدا.
