رف-نان فيتوسانيتارلىق سەرتيفيكاتسىز قازاقستانعا 54 توننا ءسابىز, 10 توننا قىرىققابات, 40 توننا كارتوپ جانە قىزىلشا, 20 توننا بيداي, 19,5 توننا جەمىس, سونداي-اق 2 مىڭ بىرلىك گۇل ونىمدەرى جانە يراننان ەل نارىعىنا فيتوسانيتارلىق سەرتيفيكاتى جوق 174 توننا الما جانە 249 توننا كەپتىرىلگەن جەمىس كىرگىزىلمەك بولعان.
وسىمدىكتەر كارانتينى سالاسىنداعى زاڭنامالاردىڭ تالاپتارىنا سايكەس اتالعان ونىمدەر قازاقستان اۋماعىنا تاسىمالداۋعا تىيىم سالىنعان. كىنالى تۇلعالار اكىمشىلىك قۇقىق بۇزۋشىلىق تۋرالى كودەكسىنىڭ 400 بابى بويىنشا اكىمشىلىك جاۋاپكەرشىلىككە تارتىلدى.
سونىمەن قاتار بۇعان دەيىن اشم مەملەكەتتىك ينسپەكتورلارى رەسەي فەدەراتسياسىنان مانگو ونىمدەرى مەن اقش-تان ميندال جاڭعاعىن قازاقستانعا كىرگىزبەگەنىن ايتا كەتۋ كەرەك.
اتاپ ايتقاندا, رەسەيدەن قازاقستانعا فيتوسانيتارلىق سەرتيفيكاتسىز 2 توننا كۇنجىت تۇقىمى, 20 توننادان استام گرەك جاڭعاعى, قۇرما جانە كەپتىرىلگەن مانگو, 39 توننا كارتوپ, 67 توننا كۇنباعىس جانە 58,5 تەكشە مەتر كەسىلگەن اعاش كىرگىزىلمەك بولعان.
سونداي-اق جارامسىز فيتوسانيتارلىق سەرتيفيكاتپەن 2,3 مىڭ توننا ارپا الىپ كەلۋ فاكتىسى انىقتالعان.
جۇكتىڭ قاۋىپسىزدىگىن راستايتىن فيتوسانيتارلىق سەرتيفيكاتسىز رەسپۋبليكانىڭ مەملەكەت شەكاراسىنا ۆەتنامنان 23,4 توننا كوفە داندەرى جانە اقش-تان 86,6 توننا ميندال جاڭعاعى الىپ كەلىنگەن.
وسىمدىكتەر كارانتينى سالاسىنداعى زاڭناما تالاپتارىنا سايكەس اتالعان ونىمدەردى قازاقستان رەسپۋبليكاسىنىڭ اۋماعىنا كىرگىزۋگە تىيىم سالىنعان, ايىپتى تۇلعالار اكىمشىلىك جاۋاپكەرشىلىككە تارتىلدى.
سونىمەن قاتار اشم مەملەكەتتىك ينسپەكتورلارى ەل اۋماعىنا قاپتاما تاڭبالارى جوق وزبەكستاننان كەلگەن 23 توننادان استام جەمىس, ونىڭ ىشىندە 6 توننا انار جانە 30 توننا ءسابىزدىڭ كىرۋىنە تىيىم سالدى.
