ۇپاي جيناۋ كەزەڭىنىڭ ناتيجەسى بويىنشا بويىنشا (الەم كۋبوگىنىڭ 9 كەزەڭى, ەكى الەم چەمپيوناتى جانە الەمدىك جارىستار) ترەكتەگى ۆەلوپسورتتان قازاقستان قۇراماسى تورتجىلدىقتىڭ باستى دوداسىنا ءۇش جولداما جەڭىپ الدى. توكيو وليمپياداسىنا ەل قۇراماسىنان ءۇش سانات (سپرينت, ومنيۋم ي كەيرين) بويىنشا ەكى سپورتشى قاتىساتىن بولادى. قاتىساتىن سپورتشىلار ءتىزىمىن قازاقستان ۆەلوسپورت فەدەراتسياسى كەيىنىرەك ۇسىنادى.
ايتا كەتەرلىگى, سپرينت بويىنشا قازاقستان تاريحي جولداماعا قول جەتكىزىپ وتىر. سەبەبى, وسى ۋاقىتقا دەيىن قازاقستاندىق سپورتشىلار اتالعان سانات بويىنشا وليمپيادا ويىندارىنا قاتىسپاعان. قازاقستان قۇراماسىنا تيەسىلى جولدامانى الۋ جولىندا ارتەم زاحاروۆ پەن سەرگەي پونومارەۆتىڭ كوپ ەڭبەگى ءسىڭدى. اتالعان سپورتشىلار بەرليندە وتكەن الەم چەمپيوناتىندا ۇزدىك وندىققا ىلىنگەن بولاتىن.
ترەكتەگى ۆەلوسپورت بويىنشا باسەكەلەر توكيونىڭ "Izu" ۆەلودرومىندا 3 تامىز بەن 9 تامىز ارالىعىنا جوسپارلانعان. ىرىكتەۋ كەزەڭى اياسىندا بارلىعى 189 جولداما ۇلەستىرىلدى. قازىرگى تاڭدا قازاقستان كومانداسىندا توكيودا وتەتىن جازعى وليمپيادا ويىندارىنا 41 ليتسەنزيا بار.
