ەكونوميكا • 10 ناۋرىز، 2020

كوروناۆيرۋستىڭ تاراۋى الەمدىك ەكونوميكاعا اسەر ەتتى - ەربولات دوساەۆ

68 رەتكورسەتىلدى

بۇل تۋرالى ۇلتتىق بانك توراعاسى ەربولات دوساەۆ ۇكىمەت وتىرىسىندا ايتتى.

«بيىل 6 ناۋرىزدا وپەك+ قاتىسۋشىلارى مۇناي ءوندىرۋدى قىسقارتۋ بويىنشا مامىلەنىنىڭ تالاپتارىنا كەلىسە المادى. رەسەي ءوندىرۋدى تومەندەتۋ ۇسىنىسىن قولدامادى. وسىعان بايلانىستى ساۋد ارابياسى وسى جىلعى 8 ناۋرىزدا الەمنىڭ بارلىق وڭىرلەرى ءۇشىن ءوز مۇنايىنىڭ باعاسىن تومەندەتۋ جانە مۇناي ءوندىرۋدى تاۋلىگىنە اعىمداعى 9،7 ملن باررەلدەن 12 ملن باررەلگە دەيىن ۇلعايتۋعا دايىن ەكەندىگى تۋرالى شەشىمىن حابارلادى»، دەدى ەربولات دوساەۆ.

ونىڭ ايتۋىنشا، بۇل مۇنايدىڭ الەمدىك باعالارىن ايتارلىقتاي تومەندەتۋگە الىپ كەلدى. 9 ناۋرىزدا Brent ماركالى مۇناي الەمدىك نارىقتاردا ءبىر باررەل ءۇشىن 31-36،5 اقش دوللارى شەڭبەرىندە ساۋدالاندى، الدىڭعى كۇنمەن سالىستىرعاندا تومەندەۋ 30 پايىزدان استى.

«9 ناۋرىزدا وفشورلىق نارىقتارداعى ءرۋبلدىڭ السىرەۋى مۇناي باعاسىنىڭ قۇلدىراۋى اياسىندا ەڭ جوعارعى ماندەردە ءبىر اقش دوللارى ءۇشىن 75،4 رۋبلگە دەيىن شامامەن 10 پايىزدى قۇرادى. 9 ناۋرىزدا ساۋدا-ساتتىق اشىلعان كەزدە S&P500 يندەكسى 7 پايىزعا تومەندەدى. سودان كەيىن ساۋدا-ساتتىق ۋاقىتشا توقتاتىلدى»، دەدى ە.دوساەۆ.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار