وقيعا ورنىنا كەلگەن پوليتسەيلەر ءمايىتتىڭ دەنەسى جارتىلاي قۇم استىندا قالعانىن انىقتاعان. مارقۇمنىڭ تەك باس سۇيەگىنىڭ جارتىسى, وڭ اياعى پەن قوس قولى كورىنىپ جاتقان. ال دەنەنىڭ قاسىنان قالتاسىندا 1 مىڭدىقتاردان قۇرالعان 5 مىڭ تەڭگەسى بار «HANDSOME» فيرماسى بەلگىسى بار كوك كۇرتە, «وزەنمۇنايگاز» جازۋى بار 39-ولشەمدى قارا ءتۇستى ەتىك جانە قويۋ كوك ءتۇستى توقىلعان باس كيىم تابىلعان.
ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتىندە اتالعان فاكتى ماڭعىستاۋ اۋداندىق پوليتسيا بولىمىندە قىلمىستىق كودەكستىڭ «تۇلعا ءولىمى» بابى بويىنشا سدتبت-عا تىركەلگەنىن مالىمدەدى.
- اتالعان دەرەك قر قك ء–نىڭ 001 بابى بويىنشا ماڭعىستاۋ اۋدانى پوليتسيا ءبولىمى سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. قازىرگى تاڭدا بەلگىسىز تۇلعانىڭ قايتىس بولۋىنا بايلانىستى جەكە باسى مەن ماسەلەنىڭ ءمان-جايىن انىقتاۋ ماقساتىندا جەدەل شارالار جۇرگىزىلۋدە. سوتقا دەيىنگى تەرگەۋ امالدارى جۇرگىزىلۋدە. سوت-مەديتسينالىق ساراپتاما تاعايىندالدى, دەلىنگەن ماڭعىستاۋ وبلىستىق پوليتسيا دەپارتامەنتى بەرگەن ءباسپاسوز حابارلاماسىندا.
