– ءبىز سىزبەن ۇزاق ۋاقىتتان بەرى جۇمىس ىستەپ كەلەمىز. ارقاشان ءتىل تابىسىپ, ارامىزدا تۇسىنىستىك ورنادى. مەن پرەزيدەنت رەتىندە وكىلەتتىلىگىمدى توقتاتقانىمدى بىلەسىز. ەندى مەن زاڭ بويىنشا قاۋىپسىزدىك كەڭەسىنىڭ توراعاسى مارتەبەسىنە يە بولدىم. ەكەۋمىز تاعى دا ارىپتەس بولدىق. سوندىقتان, جۇمىس ىستەيىك, سىرتقى ساياسات بويىنشا پىكىر الماسايىق, – دەدى نۇرسۇلتان نازارباەۆ.
ءوز كەزەگىندە رەسەي قاۋىپسىزدىك كەڭەسى توراعاسىنىڭ ورىنباسارى مەملەكەتارالىق ىنتىماقتاستىقتىڭ ماڭىزدىلىعىن ايتتى.
– مەنىڭ ءاربىر جاڭا مەملەكەتتىك قىزمەتىم سىرتقى ساياسات تۇرعىسىنان قازاقستانعا ساپارمەن باستالىپ كەلەدى. ول كەزدەيسوقتىق ەمەس. بۇل بءىزدىڭ وداقتاستىق قاتىناسىمىزدى بىلدىرەدى, سونىمەن قاتار, سىزگە دەگەن قۇرمەتىمنىڭ بەلگىسى, – دەدى د.مەدۆەدەۆ.
اڭگىمە بارىسىندا قازاقستان رەسپۋبليكاسى قاۋىپسىزدىك كەڭەسىنىڭ توراعاسى كەشە ماسكەۋدە وتكەن رەسەي مەن تۇركيا كوشباسشىلارىنىڭ سيريا ماسەلەسى بويىنشا كەلىسسوزدەرىنىڭ قورىتىندىسىن قولدايتىنىن ايتتى. ەلباسى مۇددەلى تاراپتاردىڭ سيرياداعى جاعدايدى تۇراقتاندىرۋ ءۇشىن استانا پروتسەسىنءىڭ جالعاسۋىنا بەيىلدىلىگى ايرىقشا ماڭىزدى ەكەنىن اتاپ ءوتتى.
كەزدەسۋ سوڭىندا نۇرسۇلتان نازارباەۆ پەن دميتري مەدۆەدەۆ قازاقستان رەسپۋبليكاسى تۇڭعىش پرەزيدەنتى كىتاپحاناسى كورمەسىنىڭ ەكسپوزيتسيالارىمەن تانىستى.
