مەگافەستيۆالدىڭ جابىلۋىنا شىمكەنت قالاسىنىڭ اكىمى مۇرات ايتەنوۆ ارنايى قاتىستى. جەرگىلىكتى قولونەر شەبەرلەرى مەن ديزاينەرلەر ونىمدەرىنىڭ كورمەسى قويىلىپ, ىرزا تۇرسىنزادانىڭ قاتىسۋىمەن تىگىن جانە قولدانبالى ونەر تۇرلەرى بويىنشا تەگىن سەمينارلار, شەبەرلىك ساباقتارى جانە « ۇلى دالا ارۋلارى» موتيۆاتسيالىق لەكتسيالارى ءوتتى.
مۇرات دۇيسەنبەك ۇلى مۇنداي ءىس-شارالار كەز كەلگەن نازىك جاندىلارعا ءوز كاسىبىن دوڭگەلەتۋگە ۇلكەن ءۇمىت پەن سەرپىن بەرەتىنىن ايتتى.
-بۇگىنگى جاھاندانۋ جاعدايىندا ەجەلگى ۇلتتىق قولونەرىمىزدى قازىرگى زامان تالاپتارىنا ساي قايتا جاڭعىرتۋدىڭ پايدالى تۇستارى مول. مۇنداي ءىس-شارالار قىز-كەلىنشەكتەر اراسىنداعى جۇمىسسىزدىق دەڭگەيىنىڭ ازايۋىنا سەپتىگىن تيگىزەدى دەگەن ۇمىتتەمىز. كورپە-جاستىقتار تىگىپ, ونى دايىن تاۋار تۇرىندە ساۋدا-ساتتىققا شىعارۋ ارقىلى تابىس كوزدەرىن تولىقتىرۋ مۇمكىندىگى تۋادى, - دەدى جوبا جەتەكشىسى ىرزا تۇرسىنزادا.
كەش سوڭىندا كورمە-بايقاۋ جەڭىمپازدارىنا قالا اكىمىنىڭ اتىنان العىس حاتتار, سەمينارعا قاتىسۋشىلارعا سەرتيفيكات جانە «امانات» سىيلىعى تاپسىرىلدى.
شىمكەنت
