كانادانىڭ مونرەال قالاسىندا ءوتىپ جاتقان دەنەلەرىنىڭ تىرەكتى-جىلجىمالى بولىگىنە نۇقسان كەلگەن سپورتشىلار اراسىنداعى الەم چەمپيوناتىندا ەكى باياعى بىردەي جوق قازاقستاندىق ءجۇزۋشى ءزۇلفيا عابيدۋللينا ءبىر كۇمىس, ءبىر قولا مەدال جەڭىپ الدى. بۇل تۋرالى Tengrinews.kz حابارلادى.
ايتا كەتەتىنى, بۇل چەمپيونات 8-20 تامىز ارالىعىندا وتەدى. وندا جامبىل وبلىسىنىڭ وكىلى 50 مەترلىك قاشىقتىققا ەركىن ءجۇزۋدىڭ ىرىكتەۋ سىناعىندا S3 توبىنداعى ايەلدەر اراسىندا الەم رەكوردىن جاڭارتتى. ول 0:41.40 سەكۋندتىق ۋاقىت كورسەتتى. بۇعان دەيىن بۇل رەكورد 0:47.79 كورسەتكىشىمەن قىتاي سپورتشىسىنىڭ ەنشىسىندە ەدى.
فينالدىق ءجۇزۋ جارىسىندا ءزۇلفيا ەكىنشى ورىنعا شىعىپ, كۇمىس مەدالدى موينىنا تاقتى. ال قولا مەدالدى 50 مەرگە شالقالاي جۇزۋدە الدى.
ازىرگە قازاقستان قۇراماسى قورجىنىندا وسى ەكى مەدال عانا بار.
دامير قوجامقۇل.
