تۇركىمەنستان پرەزيدەنتى گۋربانگۋلي بەردىمۋحامەدوۆ ءوزىنىڭ دەموكراتيالىق پارتيا قۇرامىنان شىعاتىنىن مالىمدەدى. بۇل تۋرالى بىرقاتار رەسەي باق-تارى حابارلادى.
تۇركىمەنستان پرەزيدەنتى مۇنى ەلدىڭ باسشىسى كوپ پارتيالىلىق جاعدايىندا ءبىر پارتياعا ارتىقشىلىق بەرمەۋ ءۇشىن ەشقانداي پارتيانىڭ شىلاۋىندا بولماۋى كەرەكتىگىمەن ءتۇسىندىردى.
ايتا كەتۋ كەرەك, تۇركىمەنستان دەموكراتيالىق پارتياسى – تۇركىمەننىڭ رەسمي تىركەلگەن ساياسي پارتياسى. ونى تۇركىمەنساننىڭ بۇرىنعى پرەزيدەنتى ساپارمۋرات نيازوۆ قۇرىپ, ۇزدىكسىز باسقاردى. ول قايتىس بولعاننان كەيىن پارتيا جەتەكشىلىگى قازىرگى پرەزيدەنت گۋربانگۋلي بەردىمۋحامەدوۆكە كوشكەن ەدى.
ساكەن مايلىباي.
