قازاقستان رەسپۋبليكاسى ۇكىمەتىنىڭ 2020 جىلعى 4 اقپانداعى № 32 قاۋلىسىمەن سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان تۇلعالاردى كوتەرمەلەۋ قاعيدالارىنا تۇزەتۋلەر قابىلداندى.
«پارانىڭ نەمەسە كەلتىرىلگەن زالالدىڭ سوماسى نە ۇسىنىلعان جەڭىلدىكتەردىڭ نەمەسە كورسەتىلگەن قىزمەتتەردىڭ قۇنى 1 000 اەك – تەن (2 651 000 تەڭگە) اسپايتىن سىبايلاس جەمقورلىق قىلمىستار بويىنشا-سىياقى سوماسى قىلمىستىڭ ساناتىنا 30 اەك-كە –تەن 100 اەك-كە دەيىن (79 530-دان 265 100 تەڭگە) قۇرايدى. ەگەر پارانىڭ نەمەسە كەلتىرىلگەن زالالدىڭ سوماسى نە ۇسىنىلعان جەڭىلدىكتەردىڭ نەمەسە كورسەتىلگەن قىزمەتتەردىڭ قۇنى 1 000 اەك-تەن اسسا (2 651 000 تەڭگە) – سىياقى سوماسى كورسەتىلگەن سومانىڭ 10% - ىن قۇرايدى, بىراق سىياقىنىڭ سوماسى 4 000 اەك-تەن (10 604 000 تەڭگە) اسپاۋى ءتيىس»,- دەدى دەپارتامەنت باسشىسىنىڭ ءبىرىنشى ورىنباسارى جىگەر ءبايدىلدين.
سونىمەن قاتار, سپيكەر ەرەجەلەر جوباسىن ازىرلەۋ كەزىندە مۇددەلى مەملەكەتتىك ورگاندار تاراپىنان ءوتىنىشتى بەرۋ تەتىگىن جەتىلدىرۋ, سونداي-اق سىبايلاس جەمقورلىققا قارسى قىزمەتتىڭ كوتەرمەلەۋگە ۇسىنىلعان ماتەريالداردى قاراستىرۋدىڭ ىشكى الگوريتمىن ناقتىلاۋ بولىگىندە جاڭارتۋلار ەرەجەلەرگە ەنگىزىلگەنىن ايتىپ ءوتتى.
سىبايلاس جەمقورلىق قىلمىستاردى انىقتاۋ, جولىن كەسۋ, اشۋ جانە تەرگەۋ بويىنشا اقپارات بەرگەنى ءۇشىن نەمەسە وزگە دە تۇردە كورسەتىلگەن جاردەم ءۇشىن قارجىلىق ىنتالاندىرۋ مولشەرىن ۇلعايتۋ سىبايلاس جەمقورلىققا قارسى كۇرەستە حالىقتىڭ ازاماتتىق ۇستانىمىن جانداندىرۋعا باعىتتالعان.
«حابارلاۋشىلاردى كوتەرمەلەۋدىڭ ۇقساس جۇيەسى بىرقاتار شەت ەلدەردە (گەرمانيا, اقش, ۇلىبريتانيا جانە گونكونگ) تابىستى قولدانىلادى. ەلىمىزدە قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ, ياعني ا. ج. 15 اقپاننىنان باستاپ قولدانىسقا ەنگىزىلگەنىن», - دەپ حابارلادى ج. ءبايدىلدين.
