جاقىندا ماسكەۋ تۇبىندەگى الابينو پوسەلكەسىندە العاش رەت «تانك بياتلونى» حالىقارالىق جارىسى بولىپ ءوتتى. وعان قازاقستان, رەسەي, بەلارۋس پەن ارمەنيا ەلدەرىنىڭ اسكەريلەرى قاتىسىپ, جاڭا ت-726 تانكىسىن سىناپ كوردى.
جاقىندا ماسكەۋ تۇبىندەگى الابينو پوسەلكەسىندە العاش رەت «تانك بياتلونى» حالىقارالىق جارىسى بولىپ ءوتتى. وعان قازاقستان, رەسەي, بەلارۋس پەن ارمەنيا ەلدەرىنىڭ اسكەريلەرى قاتىسىپ, جاڭا ت-726 تانكىسىن سىناپ كوردى.
جارىس بارىسىندا ەكيپاجدار 20 كم. قاشىقتىقتى ءجۇرىپ ءوتتى. سونىڭ قورىتىندىسىندا ءبىرىنشى ورىندى 26 مينۋتتىق ناتيجەمەن رەسەيلىك تانك ەكيپاج يەلەندى. ەكىنشى ورىندى 52 سەكۋندتىق ايىرماشىلىقپەن قازاقستاننىڭ تانك ەكيپاجى الدى. الايدا, بۇل ەكىنشى ورىندى ماڭداي تەرمەن كەلگەن جەڭىس دەسە بولادى. جارىس بارىسىندا ءبىزدىڭ ەكيپاج كومانديرى جاراقات الىپ, ونى دۋبلەرمەن اۋىستىرۋعا تۋرا كەلدى. ءۇشىنشى جانە ءتورتىنشى ورىنداردى بەلارۋس پەن ارمەنيا ەكيپاجدارى ءبولىستى.
قازاقستان رەسپۋبليكاسى قارۋلى كۇشتەرى قۇرلىق اسكەرلەرى باس قولباسشىسىنىڭ ورىنباسارى گەنەرال-مايور ءامىر حالىقوۆتىڭ ايتۋىنشا, قازاقستاندىق تانك ەكيپاجى قويىلعان تاپسىرمانى ۇزدىك ورىنداعان. «قازاقستان جاعدايىنداعى دايىندىق بارىسىندا ءبىز ۇزدىك ەكيپاج بىرىنشىلىگىن وتكىزدىك. مۇنداي حالىقارالىق جارىس العاش رەت وتكىزىلىپ وتىر. بىراق, ءبىز وعان قاتىسۋعا تولىقتاي ءازىر بولدىق جانە جۇلدەلى ەكىنشى ورىندى دا يەلەندىك», دەدى ول.
باس قولباسشىنىڭ ورىنباسارى رەسەيلىك ارىپتەستەر رەسەي قورعانىس ءمينيسترى سەرگەي شويگۋدىڭ قولىنان «زا ۋكرەپلەنيە بوەۆوگو سودرۋجەستۆا» مەدالىن العان قازاقستاندىق تانكيستەردىڭ دايىندىق دەڭگەيىن جوعارى باعالاعانىن اتاپ ءوتتى. قازاقستان ءۇشىن ەكىنشى ورىندى ەكيپاج كومانديرى اعا لەيتەنانت جانات قۋانىشەۆ, سەرجانت ميراس نۋركو, قارۋ وقتاۋشى اعا سەرجانت ايدىن قاليولدين, مەحانيك-جۇرگىزۋشى ەفرەيتور ماقسات تۇسىپوۆتەر قامتاماسىز ەتتى.
«ەگەمەن-اقپارات».
