پارلامەنت سەناتىنىڭ دەپۋتاتى, «قازاقستان ءماسليحاتتارى دەپۋتاتتارى بىرلەستىگىنىڭ» توراعاسى تولەۋبەك مۇقاشەۆ قۇتتىقتاۋ سوزىندە بىرلەستىك پەن «قازاقستاندىق زاڭگەرلەر وداعى» اراسىندا بۇدان بۇرىن مەموراندۋمعا قول قويىلعانىن اتاپ ءوتتى. قۇجات قۇقىقتىق مادەنيەتتى قالىپتاستىرۋ, ءماسليحات دەپۋتاتتارى جۇمىسىنىڭ تيىمدىلىگىن كۇشەيتۋ جانە پارلامەنت قابىلداعان الەۋمەتتىك ماڭىزى بار زاڭداردىڭ, سونداي-اق ەلىمىزدى دامىتۋدىڭ ستراتەگيالىق باعدارلامالارىنىڭ نەگىزگى ەرەجەلەرىن ءتۇسىندىرۋ بارىسىندا ولاردىڭ حالىق مۇددەسىن بىلدىرۋدە كاسىبي بىلىكتىلىگىن ارتتىرۋدى كوزدەيدى.
«ماسليحاتتارمەن تىعىز جۇمىس باستالدى. ءبىز وقۋ جۇمىستارىن قولعا الىپ وتىرمىز. وسىنداي سەمينارلار بارلىق ايماقتاردا وتەتىن بولادى», - دەپ اتاپ ءوتتى ت.مۇقاشەۆ.
سەميناردا نورماتيۆتىك-قۇقىقتىق قۇجاتتاردى بىرىزدەندىرۋ ماسەلەلەرى قارالدى, سونداي-اق جەرگىلىكتى وكىلدى ورگانداردىڭ جۇمىسىن ودان ءارى جەتىلدىرۋ جونىندەگى ۇسىنىستار ايتىلدى.
سەمينار جۇمىسىنا «قازاقستان زاڭگەرلەر وداعىنىڭ» توراعاسى سەرىك اقىلباي, قالالىق ءماسليحات جانە قوعامدىق كەڭەس مۇشەلەرى, سونداي-اق اباي, وساكاروۆ جانە بۇقار جىراۋ اۋداندارى مەن تەمىرتاۋ جانە ساران قالالارى ءماسليحاتتارىنىڭ حاتشىلارى قاتىستى.
