5 ناۋرىزدان باستاپ تەاترعا ونەرتانۋ عىلىمدارىنىڭ كانديداتى, قازاقستاننىڭ ەڭبەك سىڭىرگەن قايراتكەرى – ەركىن تىلەۋقۇل ۇلى جۋاسبەك باسشىلىق ەتەدى.
⠀
«ساتتىلىك تىلەيمىز! تالاي جىل قىزمەت ەتىپ, وسى جەردىڭ ءوسۋ-وركەندەۋىنە اتسالىسىپ كەلە جاتىرسىز. جالپى قازاقستاننىڭ تەاتر ونەرى سالاسىندا ەڭبەگىڭىز وراسان زور. سونى مينيسترلىك وتە جاقسى باعالاپ, وزىڭىزگە دەگەن ۇلكەن جاۋاپكەرشىلىك, سەنىم ارتىپ, تەاتردىڭ دامۋىنا ۇلەس قوسادى دەگەن نيەتپەن ءسىزدى تاعايىنداۋدى ءجون دەپ سانادى. قىزمەتىڭىز قۇتتى بولسىن. بۇل لاۋازىمنان كورى, ارتىلعان جاۋاپكەرشىلىكتىڭ جۇگى اۋىر. ۇجىممەن بىرگە جەمىستى قىزمەت ەتەرىڭىزگە سەنەمىز», – دەپ ۆيتسە-مينيستر جاڭا باسشىعا مينيسترلىكتىڭ تاراپىنان بىرنەشە تاپسىرما بەردى.
⠀
رەسمي تاعايىنداۋدان كەيىن, تەاترىمىزدىڭ ابىزى, قازاقستاننىڭ ەڭبەك ەرى ءاسانالى ءاشىموۆ ءسوز الىپ, بىلاي دەدى: «باسشىلىققا راحمەت. ەركىن – وزىمىزدە وسكەن, قىزمەتىن ادال اتقارعان ازامات. تەاتردى بىلەدى. الداعى ۋاقىتتا ابىرويمەن جۇمىس ىستەيدى دەپ ۇمىتتەنەمىز». ⠀
اۋەزوۆ تەاترىنا ديرەكتور بولىپ تاعايىندالعان جاڭا باسشى ۇجىمنىڭ الدىندا ءسوز بەردى:
«سىزدەرمەن قاتارلاسا قىزمەت ىستەپ, بار تاجىريبەم مەن ءبىلىمىمدى وسى تەاتردىڭ ابىرويىن اسقاقتاتۋعا سالامىن دەگەن سوزىمە سەنۋلەرىڭىزدى سۇرايمىن. ماعان سەنىم بىلدىرگەن مادەنيەت جانە سپورت ءمينيسترى اقتوتى رايىمقۇلوۆاعا راحمەت! وسىعان دەيىن قالاي جۇمىس ىستەسەم, بۇدان كەيىن دە تەرەڭ, ماعىنالى ەڭبەك ەتۋگە تىرىسامىن. باسقا ايتارىم جوق», - دەدى تەاتردىڭ جاڭا باسشىسى ەركىن جۋاسبەك.
