بۇل زاڭ جوبالارى جاپپاي قىرىپ-جويۋ قارۋىن تاراتپاۋعا قاتىستى قازاقستان رەسپۋبليكاسىنىڭ حالىقارالىق مىندەتتەمەلەرىن ساقتاۋعا باعىتتالعان (بۇۇ قاۋىپسىزدىك كەڭەسىنىڭ 1540 قارارى) قارۋ-جاراق پەن اسكەري تەحنيكانى زاڭسىز ساتۋعا جول بەرمەۋدى كوزدەيدى (قارۋ-جاراق ساۋداسى تۋرالى شارت).
قازىرگى كەزدە زاڭ جوبالارىنىڭ تۇجىرىمدامالارى قازاقستان رەسپۋبليكاسى ۇكىمەتى جانىنداعى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ 499-شى وتىرىسىندا ماقۇلداندى.
ايتا كەتۋ كەرەك, قولدانىستاعى "ەكسپورتتىق باقىلاۋ تۋرالى" قازاقستان رەسپۋبليكاسىنىڭ زاڭى 2007 جىلى قابىلدانعان بولاتىن. 10 جىلدان استام بۇرىن قۇرىلعان قوسارلى جانە اسكەري ماقساتتاعى تاۋارلاردى باقىلاۋ جۇيەسىنىڭ قالىپتاسقان ۇيىمدىق قۇرىلىمى مەن حالىقارالىق ستاندارتتارعا جاۋاپ بەرەتىن تولىققاندى زاڭناماسى بار.
قازىرگى ۋاقىتتا ەلىمىزدە زاڭ جوباسىنىڭ بەلگىلەنگەن نورمالارىن, سونداي-اق قوسارلى جانە اسكەري ماقساتتاعى تاۋارلار اينالىمىن باقىلاۋ سالاسىنداعى قاتىناستاردى رەتتەيتىن وزگە دە نورماتيۆتىك قۇقىقتىق اكتىلەردى قولدانۋ تاجىريبەسى جەتكىلىكتى جيناقتالعان. قوس جانە اسكەري ماقساتتاعى تاۋارلاردى باقىلاۋ سالاسىنداعى قولدانىستاعى زاڭنامانىڭ ارتىقشىلىقتارى مەن كەمشىلىكتەرى انىقتالدى.
سونىمەن قاتار تەز وزگەرىپ جاتاتىن حالىقارالىق احۋال جاعدايىندا قوسارلى جانە اسكەري ماقساتتاعى تاۋارلاردى باقىلاۋدىڭ ۇلتتىق جۇيەسى نورماتيۆتىك-قۇقىقتىق بازانى تۇراقتى دامىتۋدى جانە جەتىلدىرۋدى تالاپ ەتەدى.
قازىرگى ۋاقىتتا زاڭ جوبالارى قازاقستان رەسپۋبليكاسىنىڭ مۇددەلى مەملەكەتتىك ورگاندارىنا كەلىسىم جۇمىستارىن جۇرگىزۋ ءۇشىن جولداندى.
