كەشە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ استاناعا رەسمي ساپارمەن كەلگەن قحر سىرتقى ىستەر ءمينيسترى ۆان يمەن كەزدەسۋ وتكىزدى, دەپ حابارلادى ۆەدومستۆونىڭ ءباسپاسوز قىزمەتى.
كەشە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ استاناعا رەسمي ساپارمەن كەلگەن قحر سىرتقى ىستەر ءمينيسترى ۆان يمەن كەزدەسۋ وتكىزدى, دەپ حابارلادى ۆەدومستۆونىڭ ءباسپاسوز قىزمەتى.
كەلىسسوزدەر بارىسىندا قر جانە قحر سىرتقى ساياسي ۆەدومستۆو باسشىلارى قازاقستان – قىتاي ىنتىماقتاستىعى مەن حالىقارالىق ينستيتۋتتار شەڭبەرىندەگى ءوزارا ىقپالداستىعى ماسەلەلەرى بويىنشا, سونىمەن قاتار وڭىرلىك جانە جاھاندىق قاۋىپسىزدىك ماسەلەلەرى جونىندە ۇيلەسىمدى ديالوگ وتكىزدى.
كۇن ءتارتىبىنىڭ نەگىزگى تاقىرىپتارىنىڭ ءبىرى وسى جىلدىڭ قىركۇيەك ايىندا قحر توراعاسى سي ءتسزينپيننىڭ قازاقستانعا ساپارىنا دايىندىق ماسەلەلەرى بولدى. اتالمىش ساپاردىڭ ەكىجاقتى قارىم-قاتىناستاردىڭ ودان ءارى دامۋىنا ەرەكشە ماڭىزىن ەسكەرە وتىرىپ, تاراپتار جوعارى دەڭگەيدەگى شارانى وتكىزۋگە دايىندىق ماسەلەلەرى جونىندە پىكىر الماستى. اتاپ ايتقاندا, ەكى ەلدىڭ مەملەكەت باسشىلارىنىڭ ەكىجاقتى كەزدەسۋىنەن بولەك ساپار باعدارلاماسى قر ۇكىمەت باسشىسى مەن پارلامەنت ءماجىلىسىنىڭ توراعاسىمەن كەزدەسۋلەرىن دە قامتيدى. سونىمەن قاتار, ەكىجاقتى قۇجاتتارعا قول قويۋ, سونىڭ ىشىندە تاراپتاردىڭ تاتۋ كورشىلەس, كونسترۋكتيۆتى جانە تەڭ دارەجەلى قارىم-قاتىناسقا دەگەن ۇستانىمدارىن بىلدىرەتىن جان-جاقتى ستراتەگيالىق ارىپتەستىكتى ءارى قاراي تەرەڭدەتۋ جونىندەگى بىرلەسكەن دەكلاراتسيا دا بار.
قازاقستاندىق تاراپ قحر-ءدىڭ الەمدىك ساياساتتاعى ماڭىزدى رولىنە, ونىڭ الەمدىك ەكونوميكالىق پروتسەستەردىڭ لوكوموتيۆى رەتىندە ماڭىزىنا, سونىمەن قوسا مەملەكەتتىڭ حالىقارالىق ماسەلەلەردى شەشۋدەگى بەلسەندى ۇستانىمىنا ەرەكشە ءمان بەرەدى. تاراپتار تۇراقتى تۇردە ۇكىمەت باسشىلارىنىڭ كەزدەسۋىن وتكىزۋ تاجىريبەسى قازاقستان مەن قىتاي ەكونوميكالارىنىڭ ستراتەگيالىق سالالارىنداعى ەكىجاقتى قارىم-قاتىناستىڭ دامۋىنا جول اشادى دەگەن پىكىردە.
ۇلكەن ساياسي سەنىمنىڭ تاعى ءبىر دالەلى, تاراپتاردىڭ شەكاراارالىق وزەندەردى پايدالانۋ ماسەلەلەرىنە قاتىستى راتسيونالدى جانە سالماقتى ۇستانىمداردى بەرىك ساقتاپ وتىرعانى بولىپ تابىلادى. سۋ الماسۋ, شاعىن شەكاراارالىق جانە شەكارالىق وزەندەردەن بىرلەسە سۋ الۋ ماسەلەلەرى جونىندە جەمىستى پىكىر الماسۋ تاراپتاردىڭ وسى ماسەلەنى بىرتىندەپ شەشۋگە دەگەن ۇستانىمدارىن بايقاتادى.
ساۋدا-ەكونوميكالىق ىنتىماقتاستىقتى تابىستى العا تارتۋدىڭ كۋاسى, ەكىجاقتى ساۋدا كولەمى بولىپ تابىلادى. ول 2012 جىلى 23,9 ملرد. اقش دوللارىن قۇراعان بولسا, تاراپتار 2015 جىلعا دەيىن وسى كورسەتكىشتى 40 ملرد. اقش دوللارىنا جەتكىزۋدى كوزدەپ وتىر. اڭگىمەلەسۋشى تاراپتار كوپجاقتى مەحانيزمدەر اياسىنداعى, سونىڭ ىشىندە ايماقتاعى قاۋىپسىزدىك پەن تۇراقتىلىق ماسەلەلەرىندە كۇن ساناپ ايتارلىقتاي بەلسەندى ءرول اتقارىپ كەلە جاتقان شىۇ, اوسشك اياسىنداعى ءوزارا ىقپالداستىقتىڭ وزەكتىلىگىن اتاپ ءوتتى.
