2019 جىلى ەرەكشە قاۋىپتى زياندى ورگانيزمدەرگە جانە كارانتيندى وبەكتىلەرگە قارسى كارانتيندىك جانە فيتوسانيتارلىق ءىس-شارالاردى جۇرگىزۋ جونىندەگى مەملەكەت پەن اۋىل شارۋاشىلىعى تاۋارىن وندىرۋشىلەرى (بۇدان ءارى – ءاشتو) اراسىنداعى جاۋاپكەرشىلىكتى بەلگىلەۋدى كوزدەيتىن قر وسىمدىكتەردى قورعاۋ جانە وسىمدىكتەر كارانتينى, اگروونەركاسىپتىك كەشەن مەن اۋىلدىق اۋماقتاردى دامىتۋدى مەملەكەتتىك رەتتەۋ سالالارىنداعى زاڭنامالارعا وزگەرىستەر مەن تولىقتىرۋلار ەنگىزىلگەن بولاتىن.
بۇل وزگەرىستەر ءاشتو-گە قاجەتتى كەز كەلگەن پەستيتسيدتى تاڭداۋ جانە ساتىپ الۋ ەركىندىگىن بەرەدى. ەندى شارۋالار ءدارى-دارمەكتەردى جانە ەگىستىكتەردى وڭدەۋ بويىنشا قىزمەتتەردى مەملەكەتتىك ساتىپ الۋدى وتكىزۋ مەرزىمدەرىنە تاۋەلدى بولمايدى.
سونداي-اق, جاڭا زاڭمەن ءوز اۋماعىنداعى اسا قاۋىپتى زياندى ورگانيزمدەر مەن كارانتيندىك وبەكتىلەرمەن كۇرەسۋ ءۇشىن ءاشتو ءوز بەتىنشە ساتىپ الاتىن پەستيتسيدتەردىڭ قۇنىن 50%-عا دەيىن ارزانداتۋ كوزدەلگەن.
