- ءبىز جىل سايىن ماۋسىم باستالار الدىندا سىزدەرمەن كەزدەسىپ, جاڭا ماۋسىمنىڭ مىندەتتەرىن بەلگىلەپ, ولاردى تابىستى جۇزەگە اسىرۋ مەن تۋىنداعان ماسەلەلەردى شەشۋ جوسپارلارىن بىرگە تالقىلايمىز. وتكەن ماۋسىمدا كوماندا پرەمەر-ليگانى 5-ءشى ورىنمەن اياقتادى. بۇل جاقسى كورسەتكىش. ەندى ودان ءارى العا جىلجىپ, 3-ءشى ورىنعا كوتەرىلۋگە تىرىسۋىمىز كەرەك. ول ءۇشىن بىزدە بارلىق مۇمكىندىكتەر بار. تابىستى ويىننىڭ ىرگەتاسى ەڭ الدىمەن مىقتى جاتتىقتىرۋشىلىق قۇرام, ۇيىمشىل كوماندا جانە مىقتى ماتەريالدىق-تەحنيكالىق بازادان قۇرالادى. ەڭ باستىسى – ەرىنبەي ەڭبەكتەنىپ, ويىنعا بار كۇش-جىگەردى جۇمساپ, جەڭىسكە ۇمتىلۋ كەرەك. ءبىز ءوز تاراپىمىزدان قاشاندا قولداۋ جاسايمىز, - دەدى ا. باتالوۆ كوماندا ويىنشىلارى مەن جاتتىقتىرۋشىلارىنا.
كوماندانىڭ باس جاتتىقتىرۋشىسى دميتري وگاي اتقارىلىپ جاتقان جۇمىستارى تۋرالى بايانداپ, قوسىمشا الاڭداعى جاساندى جابىندى اۋىستىرۋ كەرەكتىگىن دە اتاپ ءوتتى. وبلىس اكىمى ءوز ورىنباسارى سەرىك تۇرداليەۆكە ايتىلعان ماسەلەنى ءتيىمدى شەشۋدى تاپسىردى.
ءوز كەزەگىندە كوماندا كاپيتانى المات بەكباەۆ كورسەتىلگەن بارلىق قولداۋ شارالارى ءۇشىن وبلىس باسشىلىعىنا راحمەت ايتىپ, كوماندانىڭ بارلىق جيىنى جاقسى وتكەنىن, بۇل ويىنشىلاردىڭ جاڭا ماۋسىمعا تىڭعىلىقتى دايىندالۋىنا مۇمكىندىك بەرگەنىن ايتتى. قالىپتاسقان ءداستۇر بويىنشا كوماندا اتىنان ا. بەكباەۆ وبلىس اكىمىنە «7» ءنومىرلى فۋتبولكا مەن فۋتبول دوبىن تاپسىردى.
كەزدەسۋ سوڭىندا اماندىق باتالوۆ:
- «جەتىسۋ» كفك – ءوزىنىڭ تاريحى بار قالىپتاسقان كوماندا. ءبىز تۋىنداعان پروبلەمالاردىڭ ءبارىن شەشتىك. قازىرگى كەزدە بۇل كوماندانىڭ قۇرامىندا بولۋ – سپورت جولىنداعى سالماقتى باسپالداق. وبلىستا سپورتقا كوپ كوڭىل بولىنەدى. مەملەكەتتىك قولداۋدىڭ ارقاسىندا وتكەن جىلى ءوڭىر سپورتشىلارى 2 مىڭنان استام مەدالدارعا يە بولدى, سونىڭ 906-سى – التىن مەدال. سونىمەن قاتار جازعى وليمپيادا ويىندارىنا ءبىزدىڭ قورجىنىمىزدا 6 ليتسەنزيا بار. ءبىز سپورتتىق ينفراقۇرىلىمدى دامىتۋدى بۇدان بىلاي دا جالعاستىرا بەرەمىز. جۋىردا وليمپيادالىق ءجۇزۋ باسسەينىن سالىپ بىتىرەمىز. وندا ءبىزدىڭ فۋتبولشىلارىمىز دا جاتتىعا الادى, - دەدى ول.
«جەتىسۋ» كفك ديرەكتورى سەرىك مۇقانوۆ العا قويىلعان مىندەتتەردى ورىنداۋعا بار كۇش-جىگەرلەرىن جۇمساپ, ءۇمىت پەن سەنىم ۇدەسىنەن شىعۋعا تىرىسامىز دەدى.
كەزدەسۋ سوڭىندا وبلىس اكىمىنىڭ ورىنباسارى سەرىك تۇرداليەۆ پەن وبلىستىق سپورت باسقارماسىنىڭ باسشىسى نۇرباقىت تەڭىزباەۆ فۋتبول ويىنشىلارىنا جەڭىستى جول تىلەدى.
ەسكە سالساق, ۆولەيبولدان «جەتىسۋ» ايەلدەر كلۋبى دا ءوزىنىڭ سپورتتىق ماۋسىمىن باستايدى. قازاقستان رەسپۋبليكاسى 28-ءشى چەمپيوناتىنىڭ ۇلتتىق ليگاسىنىڭ 4-ءشى شاعىن تۋرى ويىندارى باستالادى. 6-8 ناۋرىز ارالىعىندا «جەتىسۋ» كومانداسىنىڭ نەگىزگى قۇرامى «التاي - 2», «التاي», «الماتى» كوماندالارىمەن وينايدى. ويىندار تالدىقورعان قالاسىنداعى «جاستار» سپورت سارايىندا وتەدى.
