بىرەگەي جوبا ناۋرىز تويىنا كەلگەن قوناقتار مەن شەتەلدىك ساياحاتشىلار ءۇشىن تاريحى تەرەڭ قازاق مادەنيەتىمەن تولىعىراق تانىسۋعا مۇمكىندىك بەرەدى. كونە عاسىر مەكەنىندە ساز بالشىقتان ۇيلەر تۇرعىزىلىپ, اعاشتان قۇراستىرىلعان قورشاۋلار مەن كوپىر, وتكەلدەر ورناتىلعان. مارتەبەلى مەيماندار مۇندا كونە عاسىر كەيپىندەگى ۇيلەردىڭ اسحانالارىنان ءدام تاتىپ, شەبەرلەر كوشەسى مەن ەرتەگىلەر مەكەنى, ساربازدار اۋىلى جانە شىعىس بازارىنىڭ ۇلگىسىن تاماشالاي الادى. ناۋرىز مەرەكەسى كۇندەرى بابالار داۋىرىنە ساياحات جاساتاتىن كوشپەلى اۋىلدا كيىز ۇيلەر تىگىلىپ, ۇلتتىق ويىندار ويناتىلادى. قۇرىلىس بارىسى تاريحي نىساننىڭ ساقتالۋ تالاپتارى ەسكەرىلە وتىرىپ جۇرگىزىلۋدە.
سونداي-اق كەسەنەگە بارار جولدا ورنالاسقان قاشقاري گۇل باعى اباتتاندىرىلۋدا. ال ەسىمحان الاڭىندا ورنالاسقان عيمارات ەندى زاماناۋي قوناقۇيگە اينالادى. قۇرىلىس جۇمىستارىنىڭ ساپاسىن تەكسەرگەن وبلىس اكىمى ومىرزاق شوكەەۆ تەمىرجول ۆوكزالى الدىنداعى اللەيادا بولدى. مۇندا اياقجول توسەۋ, جارىق كوزدەرىن جانە ورىندىقتار مەن قوقىس جاشىگىن ورناتۋ, كىشى ارحيتەكتۋرالىق پىشىندەر قويۋ جوسپارلانۋدا. سونداي-اق, سۋ ۇڭعىماسى قازىلىپ, دەكوراتيۆتى اعاش كوشەتتەرى وتىرعىزىلادى. الداعى ۋاقىتتا تەمىرجول ۆوكزالىنىڭ ىشكى جۇيەسى دە زاماناۋي تالاپقا سايكەستەندىرىلمەك. كۇردەلى جوندەۋدەن وتكەن اللەيانى دا ناۋرىز مەرەكەسى قارساڭىندا پايدالانۋعا بەرۋ جوسپارلانىپ وتىر.
تۇركىستان وبلىسى
