نۇرلان نىعماتۋلين «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس جوباسى مەن وعان ىلەسپە زاڭ جوباسىنىڭ بارشا قازاقستاندىقتارعا قاجەتتى دە ماڭىزدى ەكەنىن, وسى كودەكس جوباسى حالىق اراسىندا كوپ تالقىلانعانىن اتاپ ءوتتى.
دەپۋتاتتارىمىز ايماقتارعا ساپارى كەزىندە دە وسى ماسەلە باستى نازاردا بولدى. ارنايى جۇمىس توپتارى, كەڭەيتىلگەن وتىرىستار ۇيىمداستىرىلدى.وسى كودەكس بويىنشا دەنساۋلىق ساقتاۋ سالاسى ماماندارىنىڭ قاتىسۋىمەن ماجىلىستە «نۇر وتان» پارتياسىنىڭ فراكتسيا وتىرىسى دا ءوتتى. وسى شارالاردا ايتىلعان بارلىق ۇسىنىستار, پىكىرلەر زاڭ جوباسىن قابىلداۋ كەزىندە ەسكەرىلدى. سونىڭ ناتيجەسىندە كودەكستىڭ ءاربىر نورماسى جان-جاقتى تالقىلانىپ, كوپتەگەن سۇراقتار ءوز شەشىمىن تاپتى. اسىرەسە, تسيفرلىق تەحنولوگيانى ەنگىزە وتىرىپ, مەديتسينالىق قىزمەتتىڭ ساپاسىن كۇشەيتۋ, دونورلىق ماسەلەسى انا جانە بالا دەنساۋلىعىن ساقتاۋ, بويىنشا وزگەرىستەر ەنگىزىلدى. سونىڭ ارقاسىندا دەنساۋلىق سالاسىندا بۇرىنعىدان بولەك زامان تالابىنا ساي جاڭا زاڭ ماقۇلداندى دەۋگە بولادى, - دەدى ءماجىلىس توراعاسى.
ءبىرىنشى وقىلىمدا ماقۇلدانعان «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس جوباسى جۇمىس بەرۋشىلەر مەن جۇمىسكەردىڭ دەنساۋلىق ءۇشىن ورتاق جاۋاپكەرشىلىگى مەن قوعامدىق دەنساۋلىقتى ساقتاۋدى كۇشەيتۋگە, مەديتسينالىق تەحنولوگيالاردى دامىتۋعا, مەديتسينالىق قىزمەتتەر كورسەتۋ, دارىلىك زاتتار مەن مەديتسينالىق بۇيىمداردىڭ اينالىسى سالالارىندا باقىلاۋدى جەتىلدىرۋگە, مەديتسينا قىزمەتكەرىنىڭ مارتەبەسىن ارتتىرۋعا باعىتتالعان.
كودەكستىڭ جوباسىمەن جۇمىس ىستەۋ بارىسىندا دەپۋتاتتار جۇمىس بەرۋشىنىڭ دەنساۋلىق ساقتاۋ ورگاندارىنا ازاماتتاردى قان, اعزالار جانە تىندەر دونورلارىنىڭ قاتارىنا تارتۋ بويىنشا جاردەمدەسۋ مىندەتىن, سكرينينگتىك مەديتسينالىق زەرتتەۋلەردەن وتپەگەنى ءۇشىن ەڭبەك ەتۋ قۇقىعىن شەكتەيتىن, سونىمەن قاتار شەتەل ازاماتتارىنىڭ مۇقتاجدارى ءۇشىن قازاقستاننان اعزالار مەن تىندەردى شىعارۋ مۇمكىندىگىن بەلگىلەيتىن نورمالاردى الىپ تاستادى. بۇدان باسقا, 16 جاسقا تولعان كامەلەتكە تولماعاندارعا اتا-اناسىنىڭ كەلىسىمىنسىز مەديتسينالىق جانە حيرۋرگيالىق ارالاسۋدى جۇرگىزۋگە تىيىم سالاتىن تۇزەتۋ قولداۋ تاپتى.
