كوروناۆيرۋس الەمدىك سپورتقا دا ۇلكەن قاۋىپ ءتوندىرىپ وتىر. الدىمەن وليمپيادا ويىندارىنا ىرىكتەۋ تۋرنيرلەرى كەيىنگە شەگەرىلىپ, كەيبىر جارىستاردىپ وتكىزۋ قاۋىپسىز مەملەكەتتەرگە اۋىستىرىلعان بولاتىن. كەيىن بىرنەشە الەم چەمپيوناتتارى مەن الەم كۋبوگى دودالارىنىڭ وتپەيتىنى انىقتالدى. ءتىپتى, توكيو وليمپياداسى مەن فۋتبولدان ەۋروپا چەمپيوناتىنىڭ ءوتۋ-وتپەۋى تۋرالى ماسەلە قوزعالا باستاعانى دا جاسىرىن ەمەس.
توكيو وليمپياداسىنا ەپيدەميا قاۋپىنىڭ ءتونىپ تۇرعانى تۋرالى الدىمەن حوك مۇشەسى ريچارد پاۋند مالىمدەدى. ول 2020 جىلدىڭ مامىر ايىنا دەيىن كوروناۆيرۋستىڭ الدىن الۋ شارالارى جۇرگىزىلۋى قاجەتتىگىن ەسكەرتتى. «قاۋىپسىزدىك شارالارىنا ەرەكشە كوڭىل ءبولىپ, وليمپيادالىق دەرەۆنياداعى تاماق قۇرامىنا اسا ءمان بەرۋ قاجەت. ۇيىمداستىرۋ كوميتەتى مامىر ايىنا دەيىن قاتىسۋشىلار مەن قوناقتاردىڭ قاۋىپسىزدىگىن قامتاماسىز ەتۋ كەرەك. ەگەر ۆيرۋس قارقىنى باسەڭدەمەسە, توكيو وليمپياداسىنىڭ وتپەۋ قالۋ قاۋپى دە بار», - دەدى WADA-نىڭ بۇرىنعى باسشىسى ءارى حوك-تىڭ ەڭ ەگدە مۇشەلەرىنىڭ ءبىرى ريچارد پاۋند 25 اقپانداعى ار اگەنتتىگىنە بەرگەن سۇحباتىندا.
كەيىن حوك پرەزيدەنتى توماس باح مىرزا الەمدىك باق-تارعا سۇحبات بەرىپ, وليمپيادا ويىندارىنا قانداي دا ءبىر كەدەرگى بولمايتىنىن مالىمدەگەن.
ء«بىز 24 شىلدە كۇنى توكيودا وليمپيادا ويىندارىنىڭ اشىلۋ سالتاناتىن وتكىزۋگە دايىندالىپ جاتىرمىز. ءبىز وسى كۇنگە جەتۋ ءۇشىن بىرلەسە جۇمىس ىستەۋدەمىز. وليمپيادا ويىندارىنا دايىندىق بارىسىندا, اسىرەسە, ىرىكتەۋ تۋرنيرلەرىن وتكىزۋ كەزىندە ۇلتتىق وليمپيادالىق كوميتەتتەر مەن فەدەراتسيالاردىڭ كۇش بىرىكتىرگەنى قۋانتادى. ءبىزدىڭ قازىرگى مىندەتىمىز – وليمپياداعا ىرىكتەۋ تۋرنيرلەرىندەگى قاۋىپسىزدىكتى كۇشەيتىپ, سپورتشىلاردىڭ دەنساۋلىعىنا زيان كەلتىرمەۋ. حوك بارلىق ەلدەردىڭ بيلىگىمەن جانە ۇلتتىق وليمپيادالىق كوميتتەرمەن بىرلەسە وتىرىپ 24 شىلدەدە اشىلۋ سالتاناتىن وتكىزۋگە نيەتتى», - دەدى باح ناۋرىزدىڭ باسىنداعى سۇحباتىندا.
حوك باسشىسى سەنىمدى مالىمدەمە جاسادى. دەگەنمەن, ۆيرۋستىڭ بەتى بەرى قارامايىنشا تورتجىلدىق دوداسىن وتكىزۋ دە قيىنعا سوقپاق. ەپيدەميا وشاعى قىتايمەن كورشىلەس جاتقان جاپونيا كورونۆيرۋس جۇقتىرعان مەملەكەتتەر كوشىندە بەسىنشى ورىندا كەلەدى. سونداي-اق, ۆيرۋستار كوز جۇمعاندار سانى 3 ناۋرىزداعى مالىمەت بويىنشا 12 ادامعا جەتكەن. اسىرەسە, مارافون مەن سپورتتىق جۇرىستەن جارىستار وتكىزىلەتىن حوككايدو پرەفەكتۋراسىندا كوروناۆيرۋس قاۋپى ءورشىپ تۇر. وسىعان وراي, توكيو وليمپياداسىن ۇيىمداستىرۋشىلار تورتجىلدىق دوداسىن ءسال كەيىنگە شەگەرۋدى ۇسىنىپ وتىر.
«حالىقارالىق وليمپيادا كوميتەتى جازعى ويىندار 2020 جىلدىڭ سوڭىنا دەيىن وتكىزىلمەيتىن بولسا عانا كەيىنگە شەگەرە الادى. دەمەك, جىل سوڭىنا دەيىن ۇيىمداستىراتىن مۇمكىندىك بار», - دەدى جاپونيا پارلامەنتىندە ءسوز العان وليمپيادا جانە پاراليمپيادا ويىندارى جونىندەگى مينيستر سەيكو حاسيميتو.
حوك مينيسترگە دەرەۋ جاۋاپ جولداپ, وليمپيادا ويىندارىن ءدال ۋاقىتىندا وتكىزۋگە مۇددەلى ەكەندىكتەرىن تاعى دا مالىمدەدى. توماس باح باستاعان لاۋازىمدى تۇلعالار كوروناۆيرۋس قاۋپىنە قاراماستان, سپورتشىلاردى توكيو وليمپياداسىنا دايىندالۋعا شاقىردى. بۇگىندە كوروناۆيرۋسقا بايلانىستى بىرنەشە الەمدىك جارىستار شەگەرىلدى. ەڭ الدىمەن كوروناۆيرۋستىڭ وشاعى سانالاتىن ۋحاندا ءوتۋى ءتيىس بوكستان ازيا/وكەانيا ايماقتىق ىرىكتەۋ ءتۋرنيرى كەيىنگە شەگەرىلدى. اقپاندا ءوتۋى ءتيىس بوكسشىلار دوداسى كەشە يوردانيانىڭ اممان قالاسىندا باستالدى. توكيو جولداماسىنان ءۇمىتتى قازاقستاندىق بوكسشىلار بۇگىن شارشى الاڭعا شىعادى. قىتايدا ءوتۋى ءتيىس تاەكۆوندودان وليمپياداعا ىرىكتەۋ ءتۋرنيرىن دە اممان قابىلدايتىن بولدى.
سونىمەن قاتار كوروناۆيرۋس قاۋپىنە بايلانىستى كۇرەس تۇرلەرىنەن ازيا ايماقتىق ىرىكتەۋ ءتۋرنيرى قىتايدان قىرعىزستانعا اۋىستىرىلعان بولاتىن. الايدا, سوڭعى ساتتە قىرعىزستان بيلىگى دە جارىستى وتكىزۋدەن باس تارتتى. قازاقستان تاراپى دا كوروناۆيرۋستان ساقتانۋ جولدارىن باستاپ كەتتى. پرەزيدەنت قاسىم-جومارت توقاەۆتىڭ جارلىعىمەن ەلىمىزدە ءوتۋى ءتيىس سپورتتىق جارىستارعا رۇقسات بەرىلگەن جوق. اقپان ايىندا نۇر-سۇلتاندا ۇيىمداستىرىلۋى ءتيىس سۋ دوبىنان ازيا ايماقتىق ىرىكتەۋ ءتۋرنيرى مەن اۋىر اتلەتيكادان ازيا چەمپيوناتىن وتكىزۋگە تىيىم سالىندى. ۆەلوسپورتتتان «ومان تۋرى» كوپكۇندىگى جارىستىڭ اياقتالۋىنا ەكى كۇن قالعاندا توقتاتىلسا, وڭتۇستىك كورەيادا 13-15 ناۋرىزعا جوسپارلانعان شورت-ترەكتەن الەم چەمپيوناتى بەلگىسىز مەرزىمگە كەيىنگە شەگەرىلدى.
ناۋرىزدا قىتايدا ۇيىمداستىرىلاتىن جەڭىل اتلەتيكادان جابىق عيماراتتاعى الەم بىرىنشىلىگى 2021 جىلدىڭ ەنشىسىنە قالدى. الەمدىك سپورت قاۋىمداستىقتارى شايبالى حوككەيدەن, تاۋ شاڭعىسىنان, دزيۋدودان ءوتۋى ءتيىس ءىرى جارىستاردى وتكىزۋگە شەكتەۋ قويدى. وسى ورايدا, قازاقستان ۇوك-تە كوروناۆيرۋس قاۋپىنە بايلانىستى مالىمدەمە جاسادى.
«ۇلتتىق وليمپيادالىق كوميتەت ءۇشىن سپورتشىلاردىڭ دەنساۋلىعى وتە ماڭىزدى. ساقتىق شارالارىمەن قاتار, قاۋىپسىزدىك شارالارىن دا كۇشەيتۋ قاجەت. بىزدە ۇلتتىق فەدەراتسيالارمەن بىرگە كوروناۆيرۋستىڭ تارالماۋى جانە قازاقستاندىق سپورتشىلاردى ىندەتتەن قورعاۋ بويىنشا الدىن-الۋ شارالارىنا قاتىستى ءبىرتۇتاس جانە بەرىك ۇستانىم بولۋى كەرەك. الدىن الۋ شارالارىنىڭ بارلىعىن قولدانۋ كەرەك», - دەدى ۇوك باسشىسى تيمۋر ق ۇلىباەۆ.
الەمدە كورونۆيرۋس جۇقتىرعان ادامدار سانى 3 ناۋرىز كۇنگى كەشكى مالىمەتتەر بويىنشا 92,314-كە جەتتى. كوروناۆيرۋس كەڭىنەن تارالعان ەلدەردىڭ العاشقى بەستىگىنە قىتاي (80 151), وڭتۇستىك كورەيا (5186), يران (2336), يتاليا (2036) جانە جاپونيا (2830) ەنگەن.
