كەشە پرەمەر-مينيستر سەرىك احمەتوۆ قىتاي حالىق رەسپۋبليكاسىنىڭ سىرتقى ىستەر ءمينيسترى ۆان يمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە پرەمەر-مينيستر سەرىك احمەتوۆ قىتاي حالىق رەسپۋبليكاسىنىڭ سىرتقى ىستەر ءمينيسترى ۆان يمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا ۇكىمەت باسشىسى ەكى ەل كوشباسشىلارىنىڭ ەكىجاقتى قارىم-قاتىناستاردى دامىتۋداعى تۇراقتى ساياسي ۇنقاتىسۋىنىڭ ءرولىن اتاپ كورسەتە وتىرىپ, قحر توراعاسى سي ءتسزينپيننىڭ الدا تۇرعان قازاقستانعا مەملەكەتتىك ساپارىنىڭ ايرىقشا ماڭىزدىلىعىن اتاپ ءوتتى.
س.احمەتوۆتىڭ ايتۋىنشا, قازاقستان مەن قحر اراسىنداعى ساۋدا-ەكونوميكالىق ىنتىماقتاستىق ىرعاقتى دامۋدا. 2012 جىلدىڭ قورىتىندىسى بويىنشا, تاۋار اينالىمى كولەمى 25 ملرد. دوللاردان استى, ال 2015 جىلعا قاراي تاۋار اينالىمىن 40 ملرد. دوللارعا دەيىن جەتكىزۋگە مۇمكىندىك بار.
س.احمەتوۆ مۇناي-گاز, ەنەرگەتيكا, كولىك سالاسى, اوك-ءتى جانە ترانزيتتىك الەۋەتتى دامىتۋدى ءوزارا قارىم-قاتىناستاردىڭ پەرسپەكتيۆالى باعىتتارى رەتىندە اتاپ ءوتتى. وسىعان بايلانىستى ول قازاقستان-قىتاي ىسكەرلىك كەڭەسى جەلىسى بويىنشا بايلانىستاردى نىعايتۋ قاجەتتىلىگىنە توقتالدى.
س.احمەتوۆ اتاپ وتكەنىندەي, ترانسشەكارالىق وزەندەردى رەتتەۋ سالاسىنداعى ىنتىماقتاستىق تا قازاقستان مەن قىتاي اراسىنداعى جان-جاقتى ستراتەگيالىق ءارىپتەستىكتىڭ ماڭىزدى اسپەكتى بولىپ تابىلادى. ول سۋ ءبولىنىسى تۋرالى مەملەكەتارالىق كەلىسىم جوباسىن تالقىلاۋدى باستاۋدى ۇسىندى.
ءبىز بۇل ماسەلەنى لايىقتى رەتتەۋ جولىن مىندەتتى تۇردە تابامىز, ترانسشەكارالىق وزەندەر ءبىزدىڭ حالىقتارىمىزدى جالعاستىراتىن دانەكەرگە اينالاتىن بولادى, دەدى قىتايلىق ديپلومات ءوز كەزەگىندە.
قحر ءسىم باسشىسى س.احمەتوۆكە قحر مەملەكەتتىك كەڭەسىنىڭ پرەمەرى لي كەتسياننىڭ سالەمى مەن يگى تىلەكتەرىن جەتكىزدى. قىتايدىڭ جاڭا باسشىلىعى قازاقستانمەن ستراتەگيالىق ىنتىماقتاستىقتى نىعايتۋعا زور ماڭىز بەرەدى, دەپ اتاپ ءوتتى ۆان ي. سونداي-اق, ول قحر توراعاسىنىڭ الداعى ساپارىنىڭ ەكىجاقتى قارىم-قاتىناستار دەڭگەيىن جاڭا بيىكتىككە كوتەرۋگە جاعداي جاسايتىنىنا سەنىم ءبىلدىردى.
