كەزدەسۋ بارىسىندا يۋ.راتاس قازاقستان باسشىلىعىنىڭ ەستونياداعى ديپلوماتيالىق وكىلدىكتىڭ دەڭگەيىن ەلشىلىككە دەيىن كوتەرۋ تۋرالى شەشىمىنە ريزاشىلىعىن ءبىلدىرىپ, تىعىز جانە سىندارلى ەكىجاقتى قارىم-قاتىناستاردى دامىتۋ ءۇشىن جان-جاقتى كومەك كورسەتۋگە دايىن ەكەنىن ايتتى.
ن.سەيتىموۆ ءوز كەزەگىندە قازاقستاندا جۇرگىزىلىپ جاتقان ساياسي جانە ەكونوميكالىق وزگەرىستەر تۋرالى, سونداي-اق ءبىزدىڭ ەلىمىزدە قولايلى ينۆەستيتسيالىق كليمات قۇرۋ جونىندە قابىلدانعان شارالار تۋرالى حاباردار ەتتى.
سونىمەن قاتار, تاراپتار ترانزيتتىك-لوگيستيكالىق سالاسىندا, سونداي-اق وزىق حالىقارالىق تاجىريبەنىڭ ءبىرى سانالاتىن ەستونيا تاجىريبەسىن قولدانا وتىرىپ دەنساۋلىق ساقتاۋ, ءبىلىم بەرۋ, اۋىلشارۋاشىلىعى جانە باسقا سالالاردى تسيفرلاندىرۋ بويىنشا ۇزاق مەرزىمدى جوبالاردى جۇزەگە اسىرۋدا ىنتىماقتاستىقتىڭ ايتارلىقتاي الەۋەتى بار ەكەنىن اتاپ ءوتتى.
كەزدەسۋ قورىتىندىسى بويىنشا ءوزارا ىقپالداستىقتىڭ بارلىق سپەكترىندە قازاقستان-ەستون ىنتىماقتاستىعىن ودان ءارى دامىتۋ جانە نىعايتۋ بويىنشا ازىرلىگى راستالدى.
