«2020 جىلعى 3 ناۋرىزدا وڭتۇستىك كورەيانىڭ الەۋمەتتىك جەلىلەرىنىڭ ءورىستىلدى توپتارىندا وڭتۇستىك كورەيادان زاڭسىز جۇرگەن قازاقستان رەسپۋبليكاسىنىڭ ازاماتى COVID-2019 كوروناۆيرۋسقا شالدىققانى راستالدى دەگەن اقپارات تارادى. اتالعان الەۋمەتتىك جەلىلەردىڭ حابارلاۋىنشا, قر ازاماتى كلينيكادان قاشىپ كەتىپ, قازىرگى تاڭدا پوليتسيامەن ىزدەستىرىلۋدە. مۇنداي اقپارات حابار-24 وتاندىق تەلەارناسىندا دا حابارلاعان. قازاقستاننىڭ وڭتۇستىك كورەياداعى ءتيىستى ءىس-شارالار جۇرگىزىپ, ونىڭ ناتيجەسىندە بۇل اقپارات راستالمادى. جەرگىلىكتى پوليتسيا جانە ءبىزدىڭ ازاماتپەن بايلانىس ورناتىلعان», - دەدى بريفينگ بارىسىندا ءسىم ءباسپاسوز حاتشىسى ايبەك سمادياروۆ.
ءسىم وكىلىنىڭ ايتۋىنشا, ول بۇعان دەيىن كلينيكاعا بارماعانىن جانە كوروناۆيرۋستىڭ بار-جوعىن انىقتايتىن قانداي دا ءبىر اناليز تاپسىرماعانىن جەتكىزدى.
«كورەيا پوليتسياسىنىڭ اقپاراتى بويىنشا, وسىدان بىرنەشە كۇن بۇرىن قازاقستاندىق ازامات كوروناۆيرۋسقا شالدىققان ادام بارعان قوعامدىق تاماقتانۋ ورنىندا بولعان. وسىعان بايلانىستى بەلگىلەنگەن تارتىپكە سايكەس, وعان جانە سول ۋاقىتتا وسى مەكەمەدە بولعان بارلىق ادامدارعا ەگەر اۋرۋدىڭ سىرتقى بەلگىلەرى بايقالعان جاعدايدا ۆيرۋستىڭ بار-جوعىنا قاتىستى تەست تاپسىرۋ قاجەت», - دەدى ءسىم ءباسپاسوز حاتشىسى.
