سولاي بولىپ تا ءجۇر. ونىڭ الدىن الۋدىڭ ءبىر جولى كوشەدەگى قاردى تيەپ, قالانىڭ سىرتىنا تاسىمالداۋ جانە مۇزداقتىڭ ۇستىنە قۇم نەمەسە تۇز سەبۋ جۇمىستارىن جۇيەلى تۇردە جۇرگىزۋ.
ايتسە دە اقتوبە قالاسىندا بۇلاي بولماي وتىر. قالالىق اكىمدىك تاراپىنان اتالعان ىستەردى اتقارۋمەن اينالىساتىن مەردىگەرلىك كومپانيالارعا قويىلاتىن تالاپتىڭ تومەندىگىنەن كوكتايعاق ءالى دە قاۋىپتى.
وبلىس ورتالىعىنداعى قالا كوشەلەرىن قاردان جانە كوكتايعاقتان تازالاۋ جۇمىستارىن سەگىز كومپانيا مەملەكەتتىك ساتىپ الۋلار ارقىلى ۇتىپ الىپتى. سول ۋاقىتتا قۇجاتتارىندا ەشقانداي ءمىن بولماسا, كەيىننەن «تۇيەلەرىن كوپىردەن وتكىزىپ العان» سوڭ ولار جۇمىسشىلار سانىنىڭ ازدىعىن جانە تەحنيكا جەتىسپەۋىن كولدەنەڭ تارتىپ ءارتۇرلى سىلتاۋلاردى قاپتاتىپ جىبەرگەن. بۇگىندە مەملەكەت قارجىسىن قالتالارىنا سالىپ العان «اۆتولاين», «تابىس ەل», «بوشان ترانساۆتو», «ەرحات جولدارى», «كوكۆەست», «بارلىق قۇرىلىس» جشس كومپانيالارى جالپى كولەمى 5,5 ملن شارشى مەتردى قۇرايتىن 711 كوشەنى قار مەن كوكتايعاقتان تازالاۋى ءتيىس. ايتسە دە ولاردىڭ قازىرگى ءىس-قيمىلدارى ماردىمسىز, ءتىپتى جوققا ءتان ەكەنى قالا تۇرعىندارىنىڭ ورىندى وكپە-رەنىشىن تۋعىزىپ ءجۇر.
قالادا وتكىزىلەتىن مەملەكەتتىك ساتىپ الۋ جونىندەگى كونكۋرستار كەزىندە مەملەكەت قارجىسى وسىلاي تەكتەن-تەككە شاشىلىپ كەتە بەرە مە؟ بۇل جاعدايدا جەرگىلىكتى اتقارۋشى ورگاندار تاراپىنان بەلگىلى ءبىر كومپانيالارعا قويىلاتىن تالاپتىڭ تومەندىگى مەن كەلىسىمشارتتاردىڭ بوساڭ, جالپىلاما جاسالعانى ايقىن كورىنەدى. مۇنىڭ ءوزى ەڭ الدىمەن اقتوبە قالاسىنىڭ اكىمى ماۆر ءابدۋلليننىڭ قىزمەتىنە ۇلكەن سىن بولماق. سوندىقتان دا الداعى ۋاقىتتا ءاربىر مەردىگەر كومپانيانىڭ اتقاراتىن قىزمەتىنىڭ اۋقىمى مەن كولەمى ناقتى كورسەتىلسە, ەنجارلىق پەن سىلبىرلىق قايتالانباس ەدى.
اقتوبە
