جەكە كاسىبىن اشقانداردىڭ ءبىرى باۋىرجان الىپباەۆ جاڭا كاسىپ باستاۋشى ازاماتتارعا ارنالعان گرانت ارقىلى 505 مىڭ تەڭگە ۇتىپ الىپ, سول قارجىعا دانەكەرلەۋ ىسىنە قاجەتتى كەمپي, ارگون, ينۆەرتورلى مەتالدى بالقىتىپ بىرىكتىرەتىن اپپاراتتار ساتىپ العان.
«ەڭبەك» باعدارلاماسىمەن 3 اي دانەكەرلەۋشى ماماندىعىن وقىعان. بۇگىندە اۋىلدا سىنعان كولىكتەر مەن ءتۇرلى تەحنيكالاردى جوندەۋمەن اينالىسىپ جۇرگەن باۋىرجان الىپباەۆ كاسىپتى باستاۋىنا مەملەكەتتىك باعدارلامانىڭ كومەگى مول بولعانىن ايتادى. بۇعان دەيىن ەگىن شارۋاشىلىعىمەن اينالىسقان ول, بۇگىندە دانەكەرلەۋشى جۇمىسىن دا قولعا العان. جاڭا ءىس باستاعالى تابىسى ەسەلەپ ارتقان كاسىپكەر قورعانعا ارنالعان قاقپا جاسايتىن تسەح اشىپ, كاسىبىن كەڭەيتۋدى جوسپارلاپ وتىر.
تۇركىستان وبلىسى
