«تەرگەۋ بارىسىندا «استانا» كاسىبي سپورت كلۋبىنىڭ ديرەكتورى امانبەك كۋلچيكوۆتىڭ اتالمىش كلۋبتىڭ قۇرامىنا كىرەتىن جەكە مەكەمەلەر «Astana Pro Team» ۆەلوكومانداسىنىڭ» جەتەكشىسى لاززات شامشيەۆامەن جانە «Astana Motorsports» جەتەكشىسى ارتۋر ارداۆيچۋسپەن قىلمىستىق كەلىسىمدە ازىرلەنگەن جانە ىسكە اسىرىلعان قىلمىستىق ءتاسىلىن انىقتادى», - دەدى سەرگەي پەروۆ.
سونىمەن 2016-2018 جىلدار ارالىعىندا كۋلچيكوۆ كلۋبتاردىڭ ناقتى قاجەتتىلىكتەرىن بىلە تۇرا, قاساقانا شىعىندار كولەمىنەن بىرنەشە ەسەگە ارتىق سومالارعا قارجىلاندىرۋ تۋرالى تاپسىرىستاردى, سونىمەن قاتار قاراجاتتىڭ ماقساتتى جۇمسالعانى تۋرالى شامشيەۆا جانە ارداۆيچۋس ۇسىنعان جالعان ەسەپتەردى قابىلداعان.
ارتىق بولىنگەن اقشا قاراجاتتارى شەتەلدىك كومپانيالارمەن جالعان كەلىسىمدەر جاساۋ جانە وقۋ-جاتتىقتىرۋ جيىندارىن ۇيىمداستىرۋ, ءۇي-جايلاردى جالعا الۋ, تاۋارلىق-ماتەريالدىق قۇندىلىقتار ساتىپ الۋ جانە ت.ب. بويىنشا جالعان اكتىلەرگە قول قويۋ جولىمەن جىمقىرعان.
مىسالعا, دەمەۋشىلەر جىل سايىن كاسىبي جارىسقا قاتىسۋدىڭ بارلىق الەمدىك ستاندارتتارىنا ساي كەلەتىن 200-دەن استام برەندتىك ۆەلوسيپەدتەردى تەگىن ۇسىنادى.
سونداي-اق 2018 جىلى قاجەتتىلىك بولماسا دا, الماتى قالاسىندا اۆتوشينا ساتۋمەن اينالىساتىن قازاقستاندىق جشس-مەن, سونداي 6 ۆەلوسيپەد جانە وعان قوسالقى بولشەكتەر ساتىپ الۋعا 219 مىڭ ەۋرو سوماسىنا جالعان كەلىسىمشارت جاسالعان.
وعان قوسا, بۇل قىمبات ۆەلوسيپەدتەر شىن مانىندە سول بويى جەتكىزىلمەگەن, ال اقشا قاراجاتى جىمقىرىلعان جانە بۇنداي دەرەكتەر از ەمەس.
بولىنگەن اقشا قاراجاتتارىنىڭ ولاردىڭ وتباسى مۇشەلەرى جانە سپورتقا ەش قاتىسى جوق باسقا دا, تۇلعالاردىڭ ىشكى جانە شەت ەلگە اۆياۇشۋلارىن تولەۋگە جۇمسالعانى دا مىسال بولا الادى. بۇل شىعىندار 100 ملن. تەڭگەدەن ارتىق سومانى قۇرايدى.
بۇگىنگى تاڭدا انىقتالعان زالال سوماسى 2 ملرد تەڭگەدەن اسادى. قازىرگى ۋاقىتتا كۋلچيكوۆ جانە شامشيەۆا نۇر-سۇلتان قالاسىنىڭ تەرگەۋ يزولياتورىنا ورنالاستىرىلعان, سوت ولارعا قاتىستى 2 اي مەرزىمگە قاماۋدا ۇستاۋ بۇلتارتپاۋ شاراسىن سانكتسيالادى.
ارداۆيچۋسقا, ونىڭ ىشىندە ينتەرپول جەلىسى بويىنشا دا, حالىقارالىق ىزدەۋ جاريالاندى. وعان قاتىستى دا «قاماۋدا ۇستاۋ» بۇلتارتپاۋ شاراسى سانكتسيالاندى.
ءىس بويىنشا كۇدىكتىلەردىڭ الماتى جانە نۇر-سۇلتان قالالارىنداعى قىمبات م ۇلىكتەرى, اۆتوترانسپورتتىق قۇرالدار, ەليتالىق پاتەرلەر, جەر ۋچاسكەلەرى قوسا انىقتالىپ, تىيىم سالىندى.
