كەزدەسۋ بارىسىندا سوت قىزمەتكەرلەرى اراسىنداعى سىبايلاس جەمقورلىقتىڭ الدىن الۋ, ادالدىق, ادىلدىك, حالىقتىڭ سەنىمىن اقتاۋ جايى ءسوز بولدى.
سونىمەن قاتار, «مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا قازاقستان رەسپۋبليكاسىنىڭ كەيبىر زاڭناما اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭعا ەنگىزىلگەن جاڭاشىلىقتار كەڭىنەن ءتۇسىندىرىلدى.
اقپاراتتىق-اعارتۋشىلىق شتابىنىڭ جۇمىسىمەن, قىزمەتىمەن تانىستىرعان ساكەن ماجىنبەكوۆ, شتابتىڭ مىندەتى حالىق اراسىندا, قۇقىق قورعاۋ جانە مەملەكەتتىك ورگانداردا, سونداي-اق جاس بۋىن اراسىندا پاراساتتىلىق مادەنيەتىن قالىپتاستىرۋ بويىنشا كەڭ اقپارات تاراتۋ بولىپ تابىلاتىندىعىن جەتكىزدى.
ءوز كەزەگىندە ن.قاسىمبەكوۆ تۇرمىستىق سىبايلاس جەمقورلىقتى جويۋعا باعىتتالعان «شىمكەنت-ادالدىق الاڭى» جوبالىق كەڭسەسىمەن جۇزەگە اسىرىلىپ وتىرعان جوبالارعا توقتالسا, مەملەكەتتىك قىزمەت ىستەرى اگەنتتىگىنىڭ قالالىق دەپارتامەنتىنىڭ باسقارما باسشىسى ە.جۇماباەۆ مەملەكەتتىك قىزمەتشىلەردىڭ ادەبىن ايتىپ ءوتتى.
جيىن بارىسىندا قاتىسۋشىلار سىبايلاس جەمقورلىققا قارسى ءىس-قيمىل ماسەلەلەرى بويىنشا اقپاراتتى سەنىپ قالدىرۋعا نەمەسە كەڭەس الۋعا بولاتىن سىبايلاس جەمقورلىققا قارسى ءىس-قيمىل اگەنتتىگىنىڭ 1424 Call-ورتالىعىمەن تانىستىرىلىپ, وزدەرىن قىزىقتىرعان سۇراقتارعا جاۋاپ الدى.
